କୋଇଡା(ବଡ଼ ଖବର ବ୍ୟୁରୋ): କୋଇଡା ବ୍ଲକ କାଲଟା କମଣ୍ଡ ଗ୍ରାମରେ ହତ୍ୟାକାଣ୍ଡ । ଗାଁର ବାଜୁ ମୁଣ୍ଡାଙ୍କୁ କିଛି ଦୁର୍ବୃତ୍ତ ନିର୍ମମ ଭାବେ ହତ୍ୟା କରି ଶବକୁ କୁଅରେ ଫିଙ୍ଗି ଦେଇଛନ୍ତି । ପରିବାର ଲୋକେ ଖୋଜା ଖୋଜି କରି ଥକି ପଡିଥିଲେ, ମାତ୍ର ବାଜୁଙ୍କ ସନ୍ଧାନ ପାଇନଥିଲେ । ବାଜୁଙ୍କୁ ହତ୍ୟା କରାଯାଇଥିବା କୌଣସି ସୁତ୍ରରୁ ଖବର ପାଇ ପରିବାର ଲୋକେ କୋଇଡା ଥାନାରେ ଏତଲା ଦେଇଥିଲେ । କୋଇଡା ପୋଲିସ ଅଗ୍ନିଶମ ବିଭାଗ କର୍ମଚାରୀଙ୍କ ସହାୟତାରେ ୧୭ ଦିନ ପରେ କୁଅରୁ ଗଳିତ ଶବ ଉଦ୍ଧାର କରିଥିଲା । ଶବ ଉଦ୍ଧାର ବେଳେ ମାଜିଷ୍ଟ୍ରେଟ୍ ଭାବେ ପଲ୍ଲବୀ ରାଣୀ ରାଜ, ଏସଡିପିଓ ସୌରଭ ଓତା, ଆଇଆଇସି ରାମଚନ୍ଦ୍ର ବିଶ୍ୱାଳ ଉପସ୍ଥିତ ଥିଲେ । ପୋଲିସ ଶବକୁ ଲହୁଣୀପଡା ଡାକ୍ତରଖାନା ବ୍ୟବଛେଦ ପାଇଁ ପଠାଇଛି । ଖୁବଶୀଘ୍ର ଦୋଷୀଙ୍କୁ ଗିରଫ କରାଯିବ ବୋଲି ପୋଲିସ କହିଛି ।
