ଲୁଟିନେଲେ ଲୁହାପଥର ବୋଝେଇ ଗାଡ଼ି

ଲହୁଣୀପଡା (ବଡ଼ ଖବର ବ୍ୟୁରୋ): ଲୁହା ପଥର ବୋଝେଇ ଟ୍ରକ ଲୁଟ୍ ଅଭିଯୋଗରେ ସୁନ୍ଦରଗଡ଼ ଜିଲ୍ଲା ଲହୁଣୀପଡା ଥାନା ପୋଲିସ ୪ ଜଣଙ୍କୁ ଗିରଫ କରିଛି । କୋଇଡ଼ା ଏସ୍ ଲାଲ୍ ମାଇନିଂରୁ ଗାଡି ନଂ ଓଡ଼ି୧୬ଏଫ୮୬୭୦ର ଚାଳକ ମନସୁର ଆଲମ ଲୁହାପଥର ବୋଝେଇ କରି ଝାରସୁଗୁଡ଼ାର ଏସଏନସି ପ୍ଲାଣ୍ଟ ଅଭିମୁଖେ ଯିବା ସମୟରେ କାଲଟା ଛକରେ ତିନିଜଣ ଯୁବକ ଲିଫ୍ଟ ମାଗି ଗାଡିରେ ବସିଥିଲେ। ୨୧୫ନଂ ଜାତୀୟ ରାଜପଥର ଶଗଡିଆ ପୋଷ ନିକଟରେ ଚାଳକକୁ ମାଡ଼ ମାରି ଲୁହାପଥର ବୋଝେଇ ଟ୍ରକ ଧରି ଫେରାର ହେବା ସହ ଟଙ୍କା ଓ ମୋବାଇଲ୍ ନେଇ ଯାଇଥିଲେ।

ଗାଡି ମାଲିକ ଲହୁଣୀପଡା ଥାନାରେ ଅଭିଯୋଗ କରିବା ପରେ ପୁଲିସ ଲମସି ନିକଟରେ ଗାଡ଼ି ସମେତ ତିନିଜଣଙ୍କୁ କାବୁ କରିଥିଲା । ପୋଲିସ ତଦନ୍ତରେ ଚୋରି ଲୁହାପଥରକୁ ବଣାଇର ଶିବ ମେଟାଲିକ୍ରେ ବିକ୍ରି କରିଥିଲେ। ପୋଲିସ ଆଇରନକୁ ଜବତ କରିବା ସହ ଶିବ ମେଟାଲିକର ମ୍ୟାନେଜର ଉପେନ୍ଦ୍ର ଉପାଧ୍ୟାୟ ଏବଂ ମୁଖ୍ୟ ଅଭିଯୁକ୍ତ ଗୁରୁଦେବ ଗୁପ୍ତା, ବ୍ରଜ ସାହୁ ଓ ରାହୁଲ ମାହାନ୍ତକୁ ଗିରଫ୍ କରି କୋର୍ଟ ଚାଲାଣ କରିଛି।