T-20 ବିଶ୍ୱକପର ଦ୍ୱିତୀୟ ମ୍ୟାଚରେ ଇଂଲଣ୍ଡର ସହଜ ବିଜୟ

ନୂଆଦିଲ୍ଲୀ(ବଡ଼ ଖବର ବ୍ୟୁରୋ): ଟି-ଟ୍ୱେଣ୍ଟି ବିଶ୍ୱକପର ଦ୍ୱିତୀୟ ମ୍ୟାଚରେ ଇଂଲଣ୍ଡର ବିଜୟ ହୋଇଛି । ୫୫ ରନରେ ଧରାଶାୟୀ ହେବାପରେ ୱେଷ୍ଟଇଣ୍ଡିଜକୁ ୬ୱିକେଟରେ ହରାଇଛି ଇଂଲଣ୍ଡ । ମାତ୍ର ୮.୨ ଓଭରରେ ୪ ୱିକେଟ ହରାଇ ୫୬ ରନ୍ କରି ବିଜୟ ହାସଲ କରିନେଇଛି ଇଂଲଣ୍ଡ ।

ଇଂଲଣ୍ଡ ପକ୍ଷରୁ ଜେସନ ରୟ ୧୧ ରନ୍, ଜୋନି ବୟାରଷ୍ଟୋ ୯ ରନ୍, ମୋଇନ ଅଲ୍ଲୀ ୩ ରନ୍, ଲିୟାମ ଲିଭିଙ୍ଗଷ୍ଟୋନ ୧ ରନ କରି ଅ୍ଧମଙ୍କ ହୋଇଛନ୍ତି । ଜୋସ ବଟର ୨୪ ଏବଂ ଇୟନ ମୋର୍ଗାନ ୭ରନ୍ କରି ଅପରାଜିତ ଅଛନ୍ତି । ୱେଷ୍ଟଇଣ୍ଡିଜ ପକ୍ଷରୁ ଆକେଲ ହୋସେନ ୪ ଓଭରରେ ୨୪ ରନ୍ ଦେଇ ୨ ୱିକେଟ ନେଇଥିବା ବେଳେ ରବି ରାମପାଲ ୨ ଓଭରରେ ୧୪ ରନ୍ ଦେଇ ୧ ୱିକେଟ ନେଇଛନ୍ତି ।

ଟ୍ୱେଣ୍ଟି ଟ୍ୱେଣ୍ଟି ବିଶ୍ୱକପର ଦ୍ୱିତୀୟ ମ୍ୟାଚରେ ପ୍ରଥମେ ବ୍ୟାଟିଂ କରି ଖରାପ ସ୍କୋର କରିଥିଲା ୱେଷ୍ଟଇଣ୍ଡିଜ । ୧୪.୨ ଓଭରରେ ମାତ୍ର ୫୫ ରନରେ ଅଲଆଉଟ ହୋଇଥିଲା ଦଳ । ଟସ ଜିତି ପ୍ରଥମେ ବୋଲିଂ କରିବାକୁ ନିଷ୍ପତ୍ତି ନେଇଥିବା ଇଂଲଣ୍ଡର ଘାତକ ବୋଲିଂ ସାମ୍ନାରେ ତି୍େଟି ପାରିନଥିଲା ୱେଷ୍ଟଇଣ୍ଡିଜର କୌଣସି ବ୍ୟାଟସ ମ୍ୟାନ ।