କ୍ୱାରେଣ୍ଟିନରେ ଟିମ୍ ଇଣ୍ଡିଆ

ନୂଆଦିଲ୍ଲୀ (ବଡ଼ ଖବର): କୁଇନ୍ସଲାଣ୍ଡରୁ ଚିହ୍ନଟ ହୋଇଥିବା ନୂତନ କରୋନା ଭାଇରସ ମାମଲା ଅଧିକ ଦ୍ରୁତ ସଂକ୍ରମଣଶୀଳ ୟୁକେ ଷ୍ଟ୍ରେନ୍ ବୋଲି ଜଣାପଡିବା ପରେ ଭାରତୀୟ କ୍ରିକେଟ୍ ଟିମ୍ର ସମସ୍ତ ସଦସ୍ୟଙ୍କୁ କ୍ୱାରେଣ୍ଟିନରେ ରଖାଯାଇଛି । ଭାରତୀୟ ଟିମ୍ ରହୁଥିବା ହୋଟେଲ ନିକଟରେ ଏହି ଭୂତାଣୁ ସଂକ୍ରମଣ ମାମଲା ଚିହ୍ନଟ କରାଯାଇଛି । ଫଳରେ ଜାନୁଆରୀ ୧୫ ତାରିଖରେ ଗ୍ୟାବାରେ ହେବାକୁ ଥିବା ଭାରତ-ଅଷ୍ଟ୍ରେଲିଆ ଚତୁର୍ଥ ଟେଷ୍ଟ ମ୍ୟାଚ୍ ଖେଳିବା ପାଇଁ ଏକ ନୂଆ ସମସ୍ୟା ସୃଷ୍ଟି ହୋଇଛି । ତେବେ ଏହି ସିରିଜ୍ ଚୂଡାନ୍ତ ମ୍ୟାଚ୍ ନିମନ୍ତେ ଷ୍ଟାଡିଟୟମ ଆସନ ସାମର୍ଥ୍ୟର ୫୦ ପ୍ରତିଶତ ଦର୍ଶକଙ୍କୁ ଖେଳ ଦେଖିବାକୁ କୁଇନ୍ସଲାଣ୍ଡ ସରକାର ଅନୁମତି ଦେଇଥିଲେ । ଟେଷ୍ଟ ମ୍ୟାଚ୍ ଚାଲିଥିବାବେଳେ କ୍ରୀଡାସ୍ଥଳରେ ବୁଲାବୁଲି କରୁଥିବା ସମସ୍ତ ବ୍ୟକ୍ତି ବିଶେଷଙ୍କ ଲାଗି ମାସ୍କ ପିନ୍ଧିବା ବାଧ୍ୟତାମୂଳକ କରାଯାଇଛି ।