ତେଜସ୍ୱୀଙ୍କ ଏସକର୍ଟ ଗାଡି ଦୁର୍ଘଟଣାଗ୍ରସ୍ତ
ବିହାର (ବଡ଼ ଖବର ବ୍ୟୁରୋ): ସୋମବାର ରାତି ପ୍ରାୟ ୧୧ଟା ୩୦ ବିହାରର ପୂର୍ବତନ ଉପ ମୁଖ୍ୟମନ୍ତ୍ରୀ ତେଜସ୍ବୀ ଯାଦବଙ୍କ ଏସକର୍ଟ କାର ଦୁର୍ଘଟଣା ଗ୍ରସ୍ତ ହୋଇଛି । ମୋଫୁସିଲ ପୋଲିସ ଷ୍ଟେସନ ଅଞ୍ଚଳରେ ପୂର୍ଣ୍ଣିଆ-କାଟିହାର ମୁଖ୍ୟ ରାସ୍ତାରେ ଏହି ଦୁର୍ଘଟଣା ଘଟିଛି। ଏସକର୍ଟ ଗାଡିରେ ଡ୍ରାଇଭରଙ୍କ ସମେତ ୭ ଜଣ ପୋଲିସ କର୍ମଚାରୀ ଥିଲେ। ଜନ ବିଶ୍ୱାସ ଯାତ୍ରା ପରେ ଏହି ବିଏମପି ସୈନିକମାନେ ରାତିରେ ପୋଲିସ ଲାଇନକୁ ଫେରୁଥିଲେ।
କୁହାଯାଉଛି ଯେ ଏହି ଘଟଣାରେ ଏସକର୍ଟ ଗାଡିର ଡ୍ରାଇଭରଙ୍କର ଘଟଣାସ୍ଥଳରେ ମୃତ୍ୟୁ ଘଟିଛି। ମୃତ ଡ୍ରାଇଭ ମଧୁବାନୀ ଟିଓପିର ସିପାହୀ ଟୋଲାର ବାସିନ୍ଦା ମହମ୍ମଦ ହଲିମ ବୋଲି ଜଣାପଡିଛି। ଅନ୍ୟ ୬ଜଣ ସେନା ଆହତ ହୋଇଛନ୍ତି । ଆହତ ହୋଇଥିବା ପୋଲିସଙ୍କ ମଧ୍ୟରୁ ତିନି ଜଣଙ୍କ ଅବସ୍ଥା ଗୁରୁତର ଥିବା କୁହାଯାଉଛି। ଆହତଙ୍କ ମଧ୍ୟରେ ଶମ୍ଭୁ କୁମାର, ବିଜୟ କୁମାର, ନରେଶ କୁମାର ସିଂ, ରଂଜନ କୁମାର, ଅଙ୍ଗଦ କୁମାର ଏବଂ ମନୀଷ କୁମାର ଅଛନ୍ତି।