ମାନବିକତା ଭୁଲିଗଲା ଝିଅ: ବାପାକୁ ଶୁଆଇଦେଲା ଅଳିଆଗଦାରେ
ଡେଲାଙ୍ଗ (ବଡ଼ ଖବର ବ୍ୟୁରୋ): ମାନବିକତା ଭୁଲିଗଲା ଝିଅ । ଏଭଳି ଝିଅ ସଂସାରରେ ବିରଳ । ଭୁଲିଗଲା ବାପାଝିଅର ସମ୍ପକ । ଅସହାୟ ଅବସ୍ଥାରେ ବାରିପଟେ ଅଳିଆଗଦାରେ ଶୁଆଇ ଦେଇଛି ନିଜ ବାପାକୁ । ଏଭଳି ଦୃଶ୍ୟ ଦେଖିଲେ ଆଖିରୁ ଲୁହ ଆସିଯିବ । ଏହି ଘଟଣା ଦେଖିବାକୁ ମିଳିଛି ପୁରୀ ଜିଲ୍ଲା ଡେଲାଙ୍ଗ ବ୍ଲକ ଘନୀପୁର କୁଣ୍ଡ ସାହିରେ ।
ଏଭଳି ଦୃଶ୍ୟ ଦେଖିଲେ ନିଜ ସନ୍ତାନଙ୍କ ପ୍ରତି ପିତାମାତାଙ୍କର ଭରସା ତୁଟି ଯିବ । ସବୁ ବାପାମା ଚାହାଁନ୍ତି ତାଙ୍କ ବୟସ୍କ ସମୟରେ ତାଙ୍କ ପୁଅଝିଅ ତାଙ୍କ ସାହାର ହେବ । ହେଲେ ଏଭଳି ଘଟଣା ଶୁଣିଲେ ଲାଗୁଛି ମଣିଷ ସମାଜରେ ମାନବିକତା ଆଉ ନାହିଁ । ଡେଲାଙ୍ଗ ପୋଲିସ ଓ ସ୍ୱଚ୍ଛା ସେବୀ ସଂଗଠନର ଲୋକେ ରାତି ୪ଟାରେ ଉଦ୍ଧାର କରି ପୁରୀ ମେଡିକାଲରେ ଭର୍ତ୍ତି କରିଥିବା ବେଳେ ବୃଦ୍ଧଙ୍କ ଅବସ୍ଥା ଗୁରୁତର ଥିବା ସୂଚନା ମିଳିଛି ।