ସୁକିନ୍ଦା (ବଡ଼ ଖବର ବ୍ୟୁରୋ): କରୋନା କାଳ । ପୁଣି ଲକଡାଉନ୍ । ଏହି ସମୟରେ ଲୋକମାନେ ରୋଜଗାର ହରାଇ ଘରେ ବସିଥିବା ବେଳେ ଲୋକଙ୍କ ଚ୍ୟାନେଲ ବଡ଼ ଖବର ଆରମ୍ଭ କରିଛି ତା’ର ବଡ଼ ପ୍ରୟାସ । ଭୋକର ଭୂଗୋଳ କୁହାଯାଉଥିବା ନଗଡ଼ାରେ ବଡ଼ ଖବର ସାମାଜିକ ଦାୟିତ୍ୱବୋଧକୁ ଗରୁତ୍ୱ ଦେବା ଓଡ଼ିଶାରେ ପ୍ରଥମ । ଯାଜପୁର ଜିଲ୍ଲା ସୁକିନ୍ଦା ବ୍ଲକ୍ ଅପପୃଷ୍ଟିର ଇଲାକା ନଗଡା଼, ନାଲିଆଡାବ କାଞ୍ଜିପାଳ, ଅଶୋକଝର, ବାଲିଆ ପ୍ରଭୃତି ଆଦିବାସୀ ଅଂଚଳରେ ଲୋକଙ୍କ ଚାନେଲ ବଡ଼ ଖବର ସୋମବାର ଠାରୁ ଆରମ୍ଭ କରିଛି ତାର ସାମାଜିକ ଦାୟତ୍ବବୋଧ ।
ରୋଜଗାର ହରାଇ ଘରେ ବସିରହିଥିବା ଆଦିବାସୀଙ୍କ ମୁହଁରେ ଚେନାଏ ହସ ଦେଖବା ପାଇଁ ବଡ଼ ଖବର ବାଣ୍ଟିଛି ଶୁଖିଲା ଖାଦ୍ୟ । ୫୦୦ରୁ ଅଧିକ ପରିବାରକୁ ଦିଆଯାଇଛି ଚାଉଳ, ଡାଲି, ଲୁଣ, ହଳଦୀ, ବିସ୍କୁଟ ପ୍ରଭୃତି । ଲୋକମାନେ ଚିରଟ ସମୟରେ ଘର ଦୁଆରେ ନିଜର ଆବଶ୍ୟକତା ପାଇ ବେଶ୍ ଖୁସ୍ । ବଡ଼ ଖବରର ଏହି ବଡ଼ ପ୍ରୟାସରେ ସହଯୋଗର ହାତ ବଢାଇଛନ୍ତି ସୁକିନ୍ଦାର ସର୍ତ୍ତାର ସ୍ମୃତି ସଂସଦ ଏବଂ କଳିଙ୍ଗନଗର ଲଏନ୍ସ କ୍ଲବ । ସ୍ୱେଚ୍ଛାସେବୀମାନଙ୍କ ଅବଦାନକୁ ଅଭାବୀ ମଣିଷମାନେ ଢେର ପ୍ରଶଂସା କରିଛନ୍ତି । ଲୋକ’ଙ୍କ ପାଇଁ କାମ କରିବାର ଶପଥ ନେଇଥିବା ୨୪ ଘଣ୍ଟିଆ ଓଡ଼ିଆ ସ୍ୟାଟେଲାଇଟ୍ ନ୍ୟୁଜ ଚ୍ୟାନେଲ୍ ବଡ଼ ଖବର ତାର ଦାୟତ୍ବକୁ ଠିକ୍ ଭବେ ନିର୍ବାହ କରୁଥିବା ସାଧାରଣ ଲୋକମାନେ କହିଛନ୍ତି । ଲକଡାଉନ୍ ଜାରି ରହିଥିବା ପର୍ଯ୍ୟନ୍ତ ବଡ଼ ଖବର ସ୍ୱେଚ୍ଛାସେବୀ ସଂଗଠନ ସହଯୋଗରେ ସୁକିନ୍ଦା ଅଂଚଳର ଆଦିବାସୀ ଇଲାକାରେ ଅଭାବୀ ଲୋକଙ୍କୁ ରାସନ ସାମଗ୍ରୀ ଯୋଗାଣ ଜାରି ରଖିବ ବୋଲି ପ୍ରତିଶ୍ରୁତି ଦେଇଛି ।
