ଫୁଲୁଛି ବୁଢାବଳଙ୍ଗ ନଦୀ, ଭୟରେ ଅଞ୍ଚଳବାସୀ

ବାରିପଦା (ବଡ଼ ଖବର ବ୍ୟୁରୋ): ଫୁଲୁଛି ବୁଢାବଳଙ୍ଗ ନଦୀ । ମୟୂରଭଞ୍ଜ ଜିଲ୍ଲାରେ ବିଗତ ତିନି ଦିନ ଧରି ଲଗାଣ ବର୍ଷା ଫଳରେ ବଢୁଛି ବୁଢାବଳଙ୍ଗ ନଦୀର ଜଳସ୍ତର । ଶିମିଳିପାଳରେ ଗତକାଲି ପ୍ରବଳ ବର୍ଷା ଫଳରେ ବଢୁଛି ଜଳସ୍ତର । ବାରେହୀପାଣି ଠାରେ ୧୮୩.୮୯ମିଲିମିଟର ବର୍ଷା ରେକର୍ଡ କରାଯାଇଛି । ତଳିଆ ଅଂଚଳର ଲୋକଙ୍କୁ ସଚେତନ କରିଛି ଜିଲ୍ଲା ପ୍ରଶାସନ ।

ଲଗାତାର ଭାବେ ଜିଲ୍ଲାପାଳ ଘଟଣାସ୍ଥଳକୁ ଯାଇ ସ୍ଥିତି ଅନୁଧ୍ୟାନ କରୁଛନ୍ତି । ସମସ୍ତ ବନ୍ୟା ଆଶ୍ରୟସ୍ଥଳୀକୁ ପ୍ରସ୍ତୁତ ରଖାଯାଇଛି। ସେପଟେ ଅବପାତ ପ୍ରଭାବରେ ରାଜ୍ୟରେ ବର୍ଷା ଜାରି ରହିଛି । ଆହୁରି ଦୁଇ ଦିନ ବର୍ଷା ଲାଗି ରହିବା ନେଇ ପୂର୍ବାନୁମାନ କରିଛି ପାଣିପାଗ ବିଭାଗ । ଉତ୍ତର ଓଡ଼ିଶାରେ ଅଧିକ ବର୍ଷା ସମ୍ଭାବନା ରହିଛି। ମୟୂରଭଞ୍ଜକୁ ରେଡ ଆଲର୍ଟ ଜାରି କରାଯାଇଛି ।