ଡେଲଟା ପ୍ଲସକୁ ନେଇ ସତର୍କ କରାଇଲେ କେନ୍ଦ୍ର ସରକାର

ନୂଆଦିଲ୍ଲୀ(ବଡ଼ ଖବର ବ୍ୟୁରୋ): ଡେଲଟା ପ୍ଲସକୁ ନେଇ ସତର୍କ କରିଛନ୍ତି କେନ୍ଦ୍ର ସରକାର । ୮ରାଜ୍ୟ ଓ କେନ୍ଦ୍ର ଶାସିତ ଅଂଚଳକୁ ଚିଠି ଲେଖିଛନ୍ତି କେନ୍ଦ୍ର ସ୍ୱାସ୍ଥ୍ୟ ସଚିବ ରାଜେଶ ଭୂଷଣ । କଣ୍ଟେନମେଣ୍ଟ କରି ସ୍ଥିତିକୁ ନିୟନ୍ତ୍ରଣ କରିବା ପାଇଁ କୁହାଯାଇଛି । ତାମିଲନାଡୁ, ରାଜସ୍ଥାନ, କର୍ଣ୍ଣାଟକ, ପଂଜାବ, ଆନ୍ଧ୍ର ପ୍ରଦେଶ, ଜାମ୍ମୁ-କାଶ୍ମୀର, ଗୁଜୁରାଟ ଓ ହରିୟାଣା ସରକାରଙ୍କୁ ଏନେଇ ଚିଠି ଲେଖିଛନ୍ତି । ସେହିପରି କରୋନା ପିଜିଟିଭ୍ ଆସୁଥିବା ଲୋକଙ୍କ ଉପରେ ନଜର ରଖିବା ସହ ସେମାନଙ୍କ ନମୂନା ସଂଗ୍ରହ କରି ଜେନମ୍ ସିକୁଏନ୍ସ କରିବା ପାଇଁ ପରାମର୍ଶ ଦେଇଛନ୍ତି ।

କେନ୍ଦ୍ର ସ୍ୱାସ୍ଥ୍ୟ ସଚିବ ରାଜେଶ ଭୁଷଣ ସୂଚନା ଦେଇ କହିଛନ୍ତି-ଆନ୍ଧ୍ରପ୍ରଦେଶର ତିରୁପତି, ଗୁଜୁରାଟର ସୁରଟ, ହରିୟାଣାର ଫରିଦାବାଦ, ଜାମ୍ମୁ -କାଶ୍ମୀର କାଟ୍ରା, ରାଜସ୍ତାନର ବିକାନେର, ପଂଜାବର ପଟିଆଲା ଓ ଲୁଥିଆନା, କର୍ଣ୍ଣାଟକର ମହିଶୂର, ତାମିଲନାଡୁର ଚେନ୍ନାଇ, ମଦୁରାଇ ଏବଂ କାନଚିପୁରମରେ ଚିହ୍ନଟ ହୋଇଛନ୍ତି । ଦେଶରେ ମୋଟ୍ ୫୦ ଡେଲଟା ପ୍ଲସ ମାମଲା ସାମନାକୁ ଆସିଛି । ଯେଉଁ ସ୍ଥାନରେ ଏହି ସଂକ୍ରମିତ ଚିହ୍ନଟ ହେଉଛନ୍ତି, ସେଠାରେ ତୁରନ୍ତ କଣ୍ଟେନମେଣ୍ଟ ଜୋନ୍ କରିବା ପାଇଁ କେନ୍ଦ୍ର ସରକାର ରାଜ୍ୟ ସରକାରମାନଙ୍କୁ ପରାମର୍ଶ ଦେଇଛନ୍ତି ।