ଜଗତସିଂହପୁର (ବଡ଼ ଖବର ବ୍ୟୁରୋ): ଝାଟିମାଟି ଘରେ ଦିବ୍ୟାଙ୍ଗ ପରିବାର । ସହାୟତା ପାଇଁ ପ୍ରଶାସନକୁ ଆକୁଳ ନିବେଦନ । ଜଗତସିଂହପୁର ଜିଲ୍ଲା ଏରସମା ବ୍ଲକ ଭିତରଅନ୍ଧାରି ପଞ୍ଚାୟତ ହରିଜନପଡା ଯାମୁକଣା ଗ୍ରାମରେ ଏଭଳି କରୁଣ ଦୃଶ୍ୟ ଦେଖିବାକୁ ମିଳିଛି । ଏହି ଗ୍ରାମରେ ଦିଲୀପ ମଲିକ ଏବଂ ତାଙ୍କ ଭାଇ ପ୍ରଦୀପ ମଲିକଙ୍କ ଘର ।
ଦିଲ୍ଲୀପ ମଲିକଙ୍କ ତିନୋଟି ପିଲା ଦିବ୍ୟାଙ୍ଗ ହୋଇଥିବା ସମୟରେ ତାଙ୍କ ଭାଇ ପ୍ରଦୀପ ମଲିକଙ୍କ ୧୫ ବର୍ଷର ଝିଅ ମଧ୍ୟ ଦିବ୍ୟାଙ୍ଗ । ଦିଲୀପ ମଲିକ ଏବଂ ପ୍ରଦୀପ ମଲିକଙ୍କ କହିବା ଅନୁଯାୟୀ, ଜନ୍ମ ବେଳୁ ପାଞ୍ଚ ଛଅ ମାସ ପରେ ହାଡ ବଙ୍କା ହେବାକୁ ଲାଗିଲା ଏବଂ ବାତ ମାରିଲା । ପରେ ତାଙ୍କୁ କଟକ ଶିଶୁ ଭବନକୁ ନେବା ପରେ ରୋଗ ଭଲ ହେବା ବଦଳରେ ରୋଗ ବେଶୀ ବଢିବାରେ ଲାଗିଲା । ଏଣୁ ଏହି ଦିବ୍ୟାଙ୍ଗ ପରିବାରକୁ ସହଯୋଗ ପାଇଁ ଗ୍ରାମବାସୀ ଦାବି କରିଛନ୍ତି ।
