ସ୍ୱାସ୍ଥ୍ୟ ସେବାର ବିକଳ ଚିତ୍ର

ସୋର (ବଡ଼ ଖବର ବ୍ୟୁରୋ): ସ୍ୱାସ୍ଥ୍ୟ ସେବାର ବିକଳ ଚିତ୍ର । ସୋର ବ୍ଲକ ଅନନ୍ତପୁର ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରରେ ଗୁରୁତର ରୋଗୀଙ୍କୁ ଚିକତ୍ସା ନକରି ୧୦୮ ଆମ୍ବୁଲାନ୍ସ ଫେରାଇ ଦେଲେ ସିକ୍ୟୁରିଟି ଏବଂ ଡାକ୍ତର । ଗୁରୁତର ରୋଗୀଙ୍କୁ ସୋର ଡାକ୍ତରଖାନା ରେ ଭର୍ତ୍ତି ପରେ ବାଲେଶ୍ୱର ମୁଖ୍ୟ ଡାକ୍ତରଖାନାକୁ ସ୍ଥାନାନ୍ତର । ରୋଗୀଙ୍କ ପ୍ରଶ୍ନ ଡାକ୍ତରଖାନା କାହା ପାଇଁ ।

ଗତକାଲି ସନ୍ଧ୍ୟାରେ ସୋର ବ୍ଲକ ଅନନ୍ତପୁର ପଂଚାୟତ ପୁରୁଷୋତ୍ତମ ପୁର ଗ୍ରାମର ଏକ ଗଣ୍ଡଗୋଳ ଘଟଣାରେ ୭ ଜଣ ଛୋଟ ପିଲା ଓ ଆଠ ଜଣ ମହିଳାଙ୍କୁ ନେଇ ନିକଟସ୍ଥ ଅନନ୍ତପୁର ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରକୁ ଯାଇଥିଲେ। ସେଠାରେ କାର୍ଯ୍ୟରତ ଜଣେ ସୁରକ୍ଷାକର୍ମୀ ସନ୍ଧ୍ୟା ପରେ ଏଠାକୁ ରୋଗୀ ଆଣିବା ମନା ବୋଲି କହି ଦୁର୍ବ୍ୟବହାର କରି ଫେରାଇ ଦେଇଥିଲେ । ପରେ ସୋର ଡାକ୍ତରଖାନା ପହଂଚି ଚିକିତ୍ସା ହେବା ସହ ଗୁରୁତରଙ୍କୁ ବାଲେଶ୍ୱର ମୁଖ୍ୟ ଡାକ୍ତରଖାନାକୁ ସ୍ଥାନାନ୍ତର କରାଯାଇଛି ।