ଶ୍ରଦ୍ଧାଳୁଙ୍କ ପାଇଁ ଖୋଲିଲା ମା’ଙ୍କ ଦ୍ୱାର

ଅସ୍ତରଙ୍ଗ(ବଡ଼ ଖବର ବ୍ୟୁରୋ): ଖୋଲିଲା କାକଟପୁର ମା’ମଙ୍ଗଳା ମନ୍ଦିର । ବହୁ ଅପେକ୍ଷାର ଅନ୍ତ ଘଟାଇ ଖୋଲିଲା କାକଟପୁର ମା ମଙ୍ଗଳାଙ୍କ ମନ୍ଦିର । କୋଭିଡ କଟକଣା ଭିତରେ ଦୀର୍ଘ ୯ମାସ ପରେ ଭକ୍ତମାନେ ମା’ଙ୍କୁ ଦର୍ଶନ କଲେ । ଆଜି ପୁଣି ଭକ୍ତ ଓ ଭଗବାନଙ୍କ ମଧ୍ୟରେ ମିଳନ ହୋଇଛି । ରାଜ୍ୟ ସାରକାରଙ୍କ ନିଷ୍ପତ୍ତି ପରେ ଆଜିଠୁ ମା’ ଙ୍କ ମନ୍ଦିର ଖୋଲିଛି । ସର୍ବ ସାଧାରଣ ଦର୍ଶନ ଆଜି ସକାଳୁ ମା’ ମଙ୍ଗଳାଙ୍କ ଦୈନିକ ନୀତି ପରେ ମା’ ଙ୍କ ପହଡ ଖୋଲିଥିଲା । କୋଭିଡ ନିୟମ ମାନିବା ସହ ଭକ୍ତଙ୍କ ପ୍ରବେଶ ପାଇଁ ସ୍ୱତନ୍ତ୍ର ବ୍ୟାରିକେଟ, ଥର୍ମାଲସ୍କ୍ରିନିଙ୍ଗ, ସାନିଟାଇଜିଙ୍ଗ କରାଯାଇ ଭକ୍ତଙ୍କୁ ମନ୍ଦିର ଭିତରକୁ ପ୍ରବେଶ କରାଯାଇଛି । ଭକ୍ତମାନେ ମନ୍ଦିରର ପୂର୍ବ ଦ୍ୱାରରେ ପ୍ରବେଶ କରି ଉତ୍ତର ଦ୍ୱାରରେ ପ୍ରସ୍ଥାନ ପାଇଁ ମନ୍ଦିର ପ୍ରଶାସନ ତରଫରୁ ବ୍ୟବସ୍ଥା କରାଯାଇଛି ।