ସାନ ଭାଇର ବୋମା ମାଡ଼ରେ ବଡ଼ ଭାଇ ଗୁରୁତର

ଭୁବନେଶ୍ଵର(ବଡ଼ ଖବର ବ୍ୟୁରୋ): ପୂର୍ବ ଶତ୍ରୁତାକୁ କେନ୍ଦ୍ରକରି ସାନ ଭାଇର ବୋମା ମାଡ଼ରେ ବଡ଼ ଭାଇ ଗୁରୁତର। ଏଭଳି ଘଟଣା ଦେଖିବାକୁ ମିଳିଛି ନୟାଗଡ ଜିଲ୍ଲା ଓଡଗାଁ ଥାନା ମାଣିକପଟଣା ଗାଁରେ।  ଉକ୍ତ ଗାଁର ପ୍ରଦୀପ ନାୟକ ଓ ତାଙ୍କ ସାନଭାଇ ଦିଲ୍ଲୀପ ନାୟକଙ୍କ ମଧ୍ୟରେ ପୂର୍ବରୁ ବିବାଦ ଲାଗି ରହିଥିଲା। ଛୋଟ ପିଲାର କଳିକୁ ନେଇ ଭାଇ ଭାଇ ମଧ୍ୟରେ ବିବାଦ ଉପୁଜିଥିଲା।

ତେବେ ଶୁକ୍ରବାର ସାନଭାଇ ଦିଲ୍ଲୀପ ସେ ଗାଁର ଅନ୍ୟ ଏକ ବ୍ୟକ୍ତି ସାଙ୍ଗରେ ଝଗଡା କରିଥିଲା। ବଡ଼ ଭାଇ ସେଇ ସ୍ଥାନରେ ପହଞ୍ଚି ସାନ ଭାଇକୁ ବୁଝାସୁଝା କରୁଥିଲା। ଏତିକି ବେଳେ ସାନଭାଇ ଏକ ବୋମା ଆଣି ବଡ଼ ଭାଇ ଉପରକୁ ପକାଇ ଥିଲା । ବେମୋ ମାଡରେ ବଡ଼ ଭାଇ ଗୁରୁତର ହେବା ପରେ ସଂଗେ ସଂଗେ ଓଡଗାଁ ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ର ପରେ ନୟାଗଡ଼ ମୁଖ୍ୟ ଚିକିତ୍ସାଳୟ ଭର୍ତ୍ତି କରାଯାଇଛି।  ଏନେଇ ଓଡଗାଁ ପୋଲିସ ଘଟଣା ସ୍ଥଳରେ ପହଞ୍ଚି ତଦନ୍ତ ଚଳାଇଛି।