ବିଶାଖାପାଟଣା(ବଡ଼ ଖବର ବ୍ୟୁରୋ): ଜଳୁଛି ଜିଏମଆର ପାୱାର ପ୍ଲାଣ୍ଟ । ଆନ୍ଧ୍ରପଦେଶର ପୂର୍ବ ଗୋଦାବରୀ ଜିଲ୍ଲାର କାକିନଡା ଉପକୂଳର କୁମ୍ବାବିଶେଖାମ ଅଞ୍ଚଳର ବନ୍ଦର ନିକଟରେ ଥିବା ୨୨୦ ମେଗାୱାଟ ବ୍ୟାରେଜ-ପାୱାର ପ୍ଲାଣ୍ଟରେ ଭୟଙ୍କର ଅଗ୍ନିକାଣ୍ଡ ଘଟିଛି । ତେବେ ଦେଶର ଏକମାତ୍ର ବ୍ୟାରେଜ ଚାଳିତ ବିଦ୍ୟୁତ୍ ଉତ୍ପାଦନ କାକିନାଡା ଉପକୂଳରୁ ତୁର୍କୀକୁ ସ୍ଥାନାନ୍ତରିତ ହେବା ପରେ ଏଠାରେ ଗତ ୨୦୧୩ ମସିହା ଠାରୁ ବିଦ୍ୟୁତ ଉତ୍ପାଦନ ବନ୍ଦ ହୋଇଯାଇଥିବା ନେଇ ଖବର ମିଳିଥିଲା । ହେଲେ ଆଜି ହଠାତ ନିଆଁ ଲାଗିଯାଇଛି । ନିଆଁକୁ ଆୟତ କରିବା ପାଇଁ ୩ ଘଣ୍ଡା କାଳ ପରିଶ୍ରମ ଚାଲିଛି । କିନ୍ତୁ ନିଆଁକୁ ଆୟତ କରାଯାଇ ପାରୁନି ।
ଏଭଳି ପରିସ୍ଥିତିରେ ପୂର୍ବ ଗୋଦାବରୀ ଜିଲ୍ଲା ଅଗ୍ନିଶମ ଅଧିକାରୀ ସିଏଚ ରତ୍ନବାବୁ କହିଛନ୍ତି ଦିନ ୧୦ ଟା ସୁଦ୍ଧା ଅଗ୍ନିଶମ ବାହିନୀର ଗାଡି ନିଆଁ ଲିଭାଇବା ପାଇଁ ସେଠାରେ ପହଞ୍ଚିଥିଲା । ହେଲେ ଦୀର୍ଘ ୩ ଘଣ୍ଟା ଧରି ନିଆଁ ଲିଭାଇବା ପରେ ବି ନିଆଁ ଆୟତ୍ତକୁ ଆସିନି । ଜିଏମର ଏନର୍ଜି କର୍ପୋରେଟ ରିଲେସନସର କେ ବିଜୟ କହିଛନ୍ତି, ନିଆଁ ବ୍ୟାରେଜ ମାଉଣ୍ଟ ପାୱାର ପ୍ଲାଣ୍ଟ ସହ ନିକଟରେ ଥିବା କାର୍ଯ୍ୟାଳୟରେ ଲାଗିଛି । ନିଆଁ ଲାଗିବା ଫଳରେ ଅନେକ ସାମଗ୍ରୀ ପୋଡି ନଷ୍ଟ ହୋଇଯାଇଛି । ତେବେ ଅଗ୍ନିକାଣ୍ଡର କାରଣ ଓ ଘଟଣାରେ କ୍ଷୟକ୍ଷତିର ପରିମାଣ ଜାଣିବା ପାଇଁ ତଦନ୍ତ କରାଯିବ ବୋଲି ଜିଲ୍ଲା କର୍ତ୍ତୁପକ୍ଷଙ୍କ ନିକଟରୁ ସୂଚନା ମିଳିଛି ।
