ନାବାଳିକାକୁ ଖୁଣ୍ଟିରେ ବାନ୍ଧି ମାଡ଼ ମାରିବା ଘଟଣା, ୪ଗିରଫ
ନବରଙ୍ଗପୁର(ବଡ଼ ଖବର ବ୍ୟରୋ): ଟଙ୍କା ଚୋରୀ ଅଭିଯୋଗରେ ନାବାଳିକାଙ୍କୁ ଖୁଣ୍ଟ ରେ ବାନ୍ଧି ମାଡ଼ ମାରିବା ଘଟଣା । ୪ଜଣଙ୍କୁ ଗିରଫ କରିଛି ପୋଲିସ । ନବରଙ୍ଗପୁର ଜିଲ୍ଲା କୁନ୍ଦେଇ ଥାନା କାଉଡଲା ପଂଚାୟତର ତାରଙ୍ଗପୁରୀ ଗାଁରେ ନାବାଳିକାକୁ ଖୁଣ୍ଟରେ ବାନ୍ଧି ମାଡ ମାରିବା ଭିଡିଓ ଭାଇରାଲ ହୋଇଥିଲା । ଟଙ୍କା ଚୋରି କରିଥିବା ଅଭିଯୋଗ ନେଇ ଜଣେ ନାବାଳିକାଙ୍କୁ ଗୋଡ଼ାଇ ଗୋଡ଼ାଇ ଧରି ଏକ ଖୁଣ୍ଟରେ ବାନ୍ଧି ଚପଲ ମାଳ ପିନ୍ଧାଇବା ସହିତ ମାଡ଼ ମାରିଥିଲେ । ତେବେ ଏହି ଘଟଣାରେ କୁନେ୍ଦଇ ପୋଲିସ ୪ଜଣଙ୍କୁ ଗିରଫ କରି ପଚରାଉଚରା କରୁଛି । ଅଭିଯୁକ୍ତ ମାନେ ହେଲେ ଭାଗୀ ଗଣ୍ଡ , ଜନକ ଗଣ୍ଡ , ଜଲ ଗଣ୍ଡ ଓ ଅଗନୁ ଗଣ୍ଡ । ଅଭିଯୁକ୍ତଙ୍କୁ କୋର୍ଟ ଚାଲାଣ କରିଛି ପୋଲିସ ।