ପ୍ରଚାର ବେଳେ ନେତା ଅସୁସ୍ଥ

କଣାସ (ବଡ଼ ଖବର ବ୍ୟୁରୋ): ପ୍ରଚଣ୍ଡ ଖରାକୁ ଖାତିରି ନକରି ପ୍ରାର୍ଥୀ ମାନେ ପ୍ରଚାରକୁ ଗୁରୁତ୍ଵ ଦେଉଛନ୍ତି । ସେହିଭଳି ଏକ ଦୃଶ୍ୟ ଦେଖିବାକୁ ମିଳିଛି ପୁରୀ ଜିଲ୍ଲା ସତ୍ୟବାଦୀ ନିର୍ବାଚନମଣ୍ଡଳିରେ । ବିଜେପି ବିଧାୟକ ପ୍ରାର୍ଥୀ ଓମ ପ୍ରକାଶ ମିଶ୍ର ପୁରୀ ଜିଲ୍ଲା କଣାସ ବ୍ଲକ କାଦୁଆ ପଞ୍ଚାୟତ କୌଡିଖଣି ଗାଁରେ ନିଜର ଦଳୀୟ ନିର୍ବାଚନୀ ପ୍ରଚାର କରିବା ସମୟରେ ପ୍ରଚଣ୍ତ ଖରା ଓ ଗୁଳୁଗୁଳି ପାଇଁ ଅସୁସ୍ଥ ହୋଇ ପଡିଲେ ।

ଏହି ପ୍ରଚାର ସମୟରେ ତାଙ୍କ ସହିତ ବିଜେପିର ପୁରୀ ସାଂସଦ ପ୍ରାର୍ଥୀ ସମ୍ବିଦ ପାତ୍ର ମଧ୍ୟ ଉପସ୍ଥିତ ଲେ । ପରେ ଗାଁ ଲୋକେ ଏକ ଗଛ ଛାଇ ଥିବା ଜାଗାକୁ ଓମ୍ ପ୍ରକାଶଙ୍କୁ ଆଣି ବିଂଚା ବିଞ୍ଚି କରି ତାଙ୍କୁ ପାଣି ଓଆରଏସ ଦେଇଥିଲେ । ସୁସ୍ଥ ହେବାପରେ ପୁଣି ପ୍ରଚାର ମଇଦାନକୁ ଓଲାହିଥିଲେ ଓମ୍ ପ୍ରକାଶ ମିଶ୍ର ।