ନୂଆଦିଲ୍ଲୀ (ବଡ଼ ଖବର ବ୍ୟୁରୋ): ଭାରତ-ଚୀନ ସୀମା ବିବାଦ ପ୍ରସଙ୍ଗ । ଆଜି ଭାରତ ଚୀନ ମଧ୍ୟରେ ନବମ ପର୍ଯ୍ୟାୟ ଆଲୋଚନା । ଅନ୍ୟପଟେ ଚୀନକୁ ଚେତବନୀ ଦେଇଛନ୍ତି ବାୟୁ ସେନା ମୁଖ୍ୟ । ଏଲଏସିରେ ବିବାଦ ଜନକ କାର୍ଯ୍ୟ କଲେ ଚୁପ ବସିବ ନାହିଁ ଭାରତ ବୋଲି କହିଛନ୍ତି । ପୂର୍ବ ଲଦାଖର ଏଲଏସିରେ ଚୀନ ସହ ଲାଗିରହିଥିବା ବିବାଦକୁ ନେଇ ବାୟୁସେନା ମୁଖ୍ୟ ଆରକେଏସ ଭଦୋରିଆ ଯୋଦ୍ଧପୁର ଏୟାରବେସରୁ ଚେତାବନୀ ଦେଇଛନ୍ତି ।
ଏଥିସହ ରାଫେଲ କିଣାଯିବା ପ୍ରଶ୍ନକୁ ନେଇ ମଧ୍ୟ ଉତ୍ତର ରଖିଛନ୍ତି । ଭାରତ ଓ ଫ୍ରାନ୍ସ ବାୟୁସେନାର ମିଳିତ ଯୁଦ୍ଧାଭ୍ୟାସ ଏକ୍ସରସାଇଜ୍ ଇଜର୍ଟ ନାଇଟ-୨୧ ଯୋଦ୍ଧପୁରରେ ଚାଲିଛି । ଏହି ଅବସରରେ ଦୁଇ ଦେଶର ଯୁଦ୍ଧବିମାନ ଆକାଶରେ ନୂଆ ନୂଆ କୌଶଳ ପ୍ରଦର୍ଶନ କରୁଛନ୍ତି । ଯୁଦ୍ଧାଭ୍ୟାସରେ ରାଫେଲ ସମେତ ଭାରତୀୟ ବାୟୁସେନାର ସୁଖୋଇ ଓ ମିରାଜ-୨୦୦୦ଯୁଦ୍ଧ ବିମାନ କୁ ସାମିଲ କରାଯାଇଛି ।
