ପୂର୍ବଭାରତ ବିକାଶ ଉପରେ ପ୍ରଧାନମନ୍ତ୍ରୀ ସବୁବେଳେ ଗୁରୁତ୍ୱ ଦିଅନ୍ତି: ଧର୍ମେନ୍ଦ୍ର ପ୍ରଧାନ
ସମ୍ବଲପୁର(ବଡ଼ ଖବର ବ୍ୟୁରୋ): ସମ୍ବଲପୁର ଆଇଆଇଏମରେ ପ୍ରଧାନମନ୍ତ୍ରୀ ଶୁଭ ଉଦଘାଟନ କରିବା ସମୟରେ ନିଜର ଅଭିଭାଷଣ ରଖିଛନ୍ତି କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ । ମୋଦୀ ସରକାରଙ୍କ ଓଡ଼ିଶା ପ୍ରତି ଅବଦାନ କଥା କହିଛନ୍ତି କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ । ସେ କହିଛନ୍ତି ପ୍ରଧାନମନ୍ତ୍ରୀ ଯାହାର ଶିଳାନ୍ୟାସ କରନ୍ତି ତାହାର ଶୁଭ ଲୋକାର୍ପଣ ମଧ୍ୟ କରନ୍ତି । ନୂଆ ସଂସଦ ଭବନ ଏବଂ ଆଇଆଇଏମ୍ ଉଦାହଣ ଦେଇଛନ୍ତି ଧର୍ମେନ୍ଦ୍ର । ୨୦୦୪ରୁ ୨୦୧୪ ମଧ୍ୟରେ ତକକାଳୀନ କେନ୍ଦ୍ର ସରକାର ୩ ଲକ୍ଷ କୋଟି ଟଙ୍କା ଦେଇଥିବା ବେଳେ ଗତ ୧୦ ବର୍ଷରେ ଓଡ଼ିଶାକୁ ୧୮ ଲକ୍ଷ କୋଟି ଟଙ୍କା ପ୍ରଦାନ କରିଛନ୍ତି ମୋଦି ।
ଏହାସହ ପ୍ରଧାନମନ୍ତ୍ରୀ ଆଜି ୬୮ ହଜାର କୋଟି ଟଙ୍କାର ଶିଳାନ୍ୟାସ ମଧ୍ୟ କରିଛନ୍ତି । ଓଡ଼ିଶାର ବିଦ୍ୟୁତ୍ ଶକ୍ତି କ୍ଷେତ୍ରରେ ୫୭ ହଜାର କୋଟି ନିବେଶ ହେବ ବୋଲି କହିଛନ୍ତି କେନ୍ଦ୍ରମନ୍ତ୍ରୀ । ରାଜ୍ୟର ଅର୍ଥନୈତିକ ବିକାଶ ଭାରତର ଅର୍ଥନୈତିକ ସହ ସମତୁଲ ହେବ । ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଆସିବାପରେ ୭ ଟି ନୂଆ ଆଇଆଇଟି, ୧୬ ଟି ନୂଆ ଟ୍ରିପଲ ଆଇଟି, ୮ ଟି ଆଇଆଇଏମ, ୧୫ ଏମ୍ସ୍ ଓ ୩୦୦ଟି ନୂଆ ୟୂନିଭରସିଟି ସ୍ଥାପିତ ହୋଇଛି । ମହିଳାଙ୍କ ପଢିବା କ୍ଷେତ୍ରରେ ୨୮ ପ୍ରତିଶତ ବୃଦ୍ଧି ହୋଇଛି । ଶିକ୍ଷାକ୍ଷେତ୍ର ପାଇଁ ପ୍ରଧାନମନ୍ତ୍ରୀ ୧ ଲକ୍ଷ ୨୧ ହଜାର କୋଟି ଟଙ୍କାର ବଜେଟ ଏହି ବର୍ଷ ଆଗତ ହୋଇଛି ଯାହାକୁ ନେଇ ଧର୍ମେନ୍ଦ୍ର ପ୍ରଧାନ ନରେନ୍ଦ୍ର ମୋଦିଙ୍କୁ ଧନ୍ୟବାଦ୍ ଦେଇଛନ୍ତି ।