ସହାୟତାର ହାତ ବଢାଇଲେ ଛାତ୍ର

କୋର୍ଣାକ (ବଡ଼ ଖବର ବ୍ୟୁରୋ): ଗୋପ ବ୍ଲକ ଧୂମାଳ ପଞ୍ଚାୟତ ନୂଆସାହିର ଅକ୍ଷୟ ଦାସ। ପିଲାବେଳୁ ଆଖି ହରାଇ ଥିବା ଅକ୍ଷୟଙ୍କ କାହାଣୀ କିଛି ଦିନ ତଳେ ବଡ଼ ଖବରରେ ଖବର ପ୍ରସାରଣ ହୋଇଥିଲା। ତେବେ ଖବର ପ୍ରସାରଣ ପରେ ଆଜି ଅକ୍ଷୟଙ୍କ ପରିବାରକୁ ସାହାଯ୍ୟର ହାତ ବଢ଼ାଇଛନ୍ତି କିଛି କଲେଜ ଛାତ୍ର। ଅକ୍ଷୟଙ୍କ ପରିବାରକୁ ଭେଟି ସେମାନେ ଅକ୍ଷୟର ମା ପ୍ରତିମା ଦାସ ଓ ପିତା ଝରି ଦାସଙ୍କୁ ନିଜ ପକେଟ ମନୀରୁ ଗୋଟିଏ ମାସର ରାସନ କିଟ ପ୍ରଦାନ କରିଥିଲେ।

ପୁଅର ଚିକିତ୍ସା ପାଇଁ ପରିବାର ଲୋକ ମାନଙ୍କ ସହ ଆଲୋଚନା ପରେ ମୁଖ୍ୟମନ୍ତ୍ରୀ ରିଲିଫ ପାଣ୍ଠିରୁ ସହାୟତା ପାଇଁ ସାହାଯ୍ୟ କରିବେ ବୋଲି ପ୍ରତିଶ୍ରୁତି ଦେଇଛନ୍ତି। ଦୀର୍ଘ ବର୍ଷ ଧରି ସ୍ୱାଧୀନତା ପରେ ବି ଅକ୍ଷୟର ପରିବାରର ପକ୍କା ଘର ଟିଏ ନଥିବାରୁ ବିଡ଼ିଓ ଏବଂ ସରପଞ୍ଚଙ୍କ ମାଧ୍ୟମରେ ତାକୁ ଆବାସ ଯୋଜନାରେ ସାମିଲ କରି ଘର ଯୋଗାଇ ଦେବାରେ ସାହାଯ୍ୟ କରିବେ ବୋଲି ପ୍ରତିଶ୍ରୁତି ଦେଇଛନ୍ତି।