୫ ମାସ ଭିତରେ ପ୍ରକାଶ ପାଇବ ସର୍ଭେ ରିପୋର୍ଟ
ଭୁବନେଶ୍ୱର (ବଡ଼ ଖବର ବ୍ୟୁରୋ): ଓବିସି ସର୍ଭେକୁ ନେଇ ପ୍ରତିକ୍ରିୟା ରଖିଛନ୍ତି ପଛୁଆବର୍ଗ କମିଶନ ରଘୁନାଥ ବିଶ୍ୱାଳ । ସେ କହିଛନ୍ତି ଓବିସି ସର୍ଭେ ଆଜି ଠାରୁ ଆରମ୍ଭ ହୋଇ ୨୭ ତାରିଖ ପର୍ଯ୍ୟନ୍ତ ଚାଲିବ । ୨୩୦ ଜାତିକୁ ନେଇ ଏହି ସର୍ଭେ ହେବ । ମେ ୨୦ତାରିଖ ପର୍ଯ୍ୟନ୍ତ ପ୍ରକୃତ ସର୍ଭେ ହେବ । ଯେଉଁମାନେ ଏହି ସର୍ଭେରୁ ଯିଏ ବାଦ ପଡି ଯାଇଥିବେ ସେମାନେ ୨୦ ରୁ ୨୭ରେ ସାମିଲ ହୋଇପାରିବ ।
ସାମାଜିକ, ଆର୍ଥିକ ଏବଂ ଶିକ୍ଷା କ୍ଷେତ୍ରରେ ଏହି ସର୍ଭେ ହେବ । ସର୍ଭେ ମାଧ୍ୟମରେ ଗୋଟିଏ ପାରିବାରରେ କେତେ ଜଣ ଚାକିରି କରିଛନ୍ତି, ସରକାରୀ କେତେଜଣ, ବେସରକାରୀ ଚାକିରି କେତେଜଣ କରିଛନ୍ତି, କିଏ କେତେ ପାଠ ପଢ଼ିଛନ୍ତି, କିଏ ଜନପ୍ରତିନିଧି ଅଛନ୍ତି ଏହି ସବୁ ଦିଗରେ ସର୍ଭେ ଜରିଆରେ ତଥ୍ୟ ସଂଗ୍ରହ ହେବ । ସର୍ଭେ ରିପୋର୍ଟ ୫ ମାସ ଭିତରେ ପ୍ରକାଶ ପାଇବ ।