ଭିତରକନିକାର ସ୍ଥିତି ପରଖିଲେ କେନ୍ଦ୍ରମନ୍ତ୍ରୀ

ରାଜନଗର (ବଡ଼ ଖବର ବ୍ୟୁରୋ): ଭିତରକନିକା ଆଜିଠାରୁ ପର୍ଯ୍ୟଟକଙ୍କ ପାଇଁ ଖୋଲିଛି । ପର୍ଯ୍ୟଟନର ବିକାଶ ପାଇଁ ଅଣ୍ଟା ଭିଡ଼ିଛନ୍ତି କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ । ଧର୍ମେନ୍ଦ୍ର ପ୍ରଧାନ ଆଜି ଭିତରକନିକା ଜାତୀୟ ଉଦ୍ୟାନ ବୁଲିଛନ୍ତି । ଭିତରକନିକାକୁ ପ୍ରଥମଥର ପାଇଁ କେନ୍ଦ୍ରମନ୍ତ୍ରୀ ପରିଦର୍ଶନ କରିଛନ୍ତି । ଆଜି ସକାଳୁ ସକାଳୁ ଖୋଳାରୁ ବୋଟ ଯୋଗେ ଜଳପଥରେ ଭିତରକନିକା ଅଞ୍ଚଳର ପ୍ରାକୃତିକ ସୌନ୍ଦର୍ଯ୍ୟ ବୁଲି ଉପଭୋଗ କରିବା ସହ ଭିତରକନିକା ଭିତରେ ଥିବା ମ୍ୟୁଜିୟମ ପରିଦର୍ଶନ କରିଥିଲେ । ପରେ ପରେ ଏଠାକାର ସର୍ବ ପୁରାତନ ଜୟଦୁର୍ଗା ମନ୍ଦିର ପରିଦର୍ଶନ କରି ମା’ଙ୍କ ଦର୍ଶନ କରିଥିଲେ । ଜୟଦୁର୍ଗା ମନ୍ଦିର ପରିସରରେ ଆୟୋଜିତ ଏକ ସଭାରେ ମନ୍ତ୍ରୀ ଅଞ୍ଚଳର ବିକାଶ କଥା କହିବା ସହିତ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ସବକା ସାଥ ସବକା ବିକାଶ କଥା ବଖାଣିଥିଲେ ।