ଦକ୍ଷିଣ ଓଡ଼ିଶାର ପ୍ରସିଦ୍ଧ ଠାକୁରାଣୀ ଶ୍ରୀ ଶ୍ରୀ ଅଗ୍ନିଗଙ୍ଗା ମା’ଙ୍କ ଖୋଲିଲା ହୁଣ୍ଡି

ଲକ୍ଷ୍ମୀପୁର(ବଡ଼ ଖବର ବ୍ୟୁରୋ): ଦକ୍ଷିଣ ଓଡ଼ିଶାର ପ୍ରସିଦ୍ଧ ଶ୍ରୀ ଶ୍ରୀ ଅଗ୍ନିଗଙ୍ଗା ମା’ ଠାକୁରାଣୀ ଘଣ୍ଟ ଯାତ୍ରାର ହୁଣ୍ଡି ଖୋଲାଗଲା । କୋରାପୁଟ ଜିଲ୍ଲା ଆନ୍ଧ୍ର ସୀମାନ୍ତ ବନ୍ଧୁଗାଁ ବ୍ଲକ ନୀଲାବାଡ଼ି ଗ୍ରାମ ଆରାଧ୍ୟା ଦେବୀ ଶ୍ରୀ ଶ୍ରୀ ଅଗ୍ନିଗଙ୍ଗା ମା’ ଠାକୁରାଣୀ ଘଣ୍ଟ ଯାତ୍ରା ବୁଧବାର ଦିନ ସମାପ୍ତ ହୋଇଥିଲା । ଘଣ୍ଟ ଯାତ୍ରାରେ ଲକ୍ଷାଧିକ ଭକ୍ତ ସମାଗମ ହୋଇ ମା’ଙ୍କ ଦର୍ଶନ କରି ପୂଜାର୍ଚ୍ଚନା କରିବା ସହ ମା’ଙ୍କ ଆଶୀର୍ବାଦ ଭିକ୍ଷା କରିଥିଲେ ।

ତେବେ ଆଜି ନୀଲାବାଡ଼ି ପୂଜା କମିଟି ଅଧ୍ୟକ୍ଷା ତଥା ବନ୍ଧୁଗାଁ ତହସିଲଦାରଙ୍କ ଅଧ୍ୟକ୍ଷତାରେ କମିଟି ସଦସ୍ୟଙ୍କ ଦ୍ଵାରା ମା’ଙ୍କ ହୁଣ୍ଡି ଗଣତି ଆରମ୍ଭ ହୋଇଛି । ଆଉ କିଛି ସମୟ ମଧ୍ୟରେ କେତେ ଟଙ୍କା, ସୁନା ଓ ରୁପା ଭକ୍ତ ମାନେ ପ୍ରଦାନ କରିଛନ୍ତି ଏହାର ସ୍ପଷ୍ଟ ହୋଇଯିବ ।