ଭାରତର କୃଷକ ଆନ୍ଦୋଳନକୁ ଆମେରିକାର ବିରୋଧ
ନୂଆଦିଲ୍ଲୀ(ବଡ଼ ଖବର): ଭାରତର କୃଷକ ଆନ୍ଦୋଳନକୁ ବଦେଶୀ ସେଲିବ୍ରେଟିଙ୍କ ସମର୍ଥନ । ତେଣେ ଭାରତର ନୂଆ କୃଷି ନୀତିକୁ ବିଦେଶୀ ରାଷ୍ଟ୍ରଙ୍କ ସମର୍ଥନ । ଏଭଳି ପରିସ୍ଥିତିରେ ଭାରତର ନୂଆ କୃଷିନୀତି ଓ ଏହାକୁ ବିରୋଧ କରି ଆନ୍ଦୋଳନ ଚଳାଇଥିବା କୃଷକ ସଙ୍ଗଠନ ଗତି କରୁଛି । ଭାରତର ନୂଆ କୃଷି ଆଇନକୁ ସମର୍ଥନ କରିଛି ଆମେରିକା । ଆମେରିକା କହିଛି ନୂଆ କୃଷି ଆଇନ ଭାରତୀୟ ବଜାରରେ ଦକ୍ଷତା ବୃଦ୍ଧି କରିବ ଓ ଅଧିକ ଘରୋଇ କ୍ଷେତ୍ରର ପୁଞ୍ଜି ବିନିଯୋଗକୁ ଆକର୍ଷିତ କରିବ । ଭାରତରେ ଚାଲିଥିବା କୃଷକ ଆନ୍ଦୋଳନ ଉପରେ ପ୍ରତିକ୍ରିୟା ପ୍ରକାଶ କରି ଆମେରିକା ବୈଦେଶିକ ମନ୍ତ୍ରଣାଳୟର ମୁଖପାତ୍ର କହିଛନ୍ତି ଶାନ୍ତିପୂର୍ଣ୍ଣ ବିରୋଧ ଯେକୌଣସି ସମୃଦ୍ଧ ଗଣତନ୍ତ୍ରର ଚିହ୍ନ । ଶାନ୍ତିପୂର୍ଣ୍ଣ ବିରୋଧକୁ ଭାରତର ସବୋର୍ଚ୍ଚ ନ୍ୟାୟାଳୟ ମଧ୍ୟ ସମର୍ଥନ କରୁଛି ।
ଆମେରିକାର ଏଭଳି ପଦକ୍ଷେପକୁ ସ୍ୱାଗତ କରୁଛି ଯାହା ଭାରତର ବଜାରରେ ସ୍ଥିତିକୁ ସୁଦୃଢ କରିବ ଓ ଘରୋଇ କ୍ଷେତ୍ରରେ ଅଧିକ ପୁଞ୍ଜି ବିନିଯୋଗ କରିବ । ୩ଟି ନୂଆ କୃଷି ଆଇନ ବିରୋଧରେ ନଭେମ୍ବର ୨୬ରୁ ଦିଲ୍ଲୀ ସୀମାରେ ଥିବା କୃଷକମାନେ ବିରୋଧ ପ୍ରଦର୍ଶନ କରୁଛନ୍ତି । ଏହି ଆଇନରେ କୃଷକ ବ୍ୟାପର ଓ ବାଣିଜ୍ୟ ଅଧିନିୟମ ୨୦୨୦, ମୂଲ୍ୟ ନିଶ୍ଚିତତା ଓ କୃଷି ସେବା ଅଧିନିୟମ ୨୦୨୦ ଓ ଜରୁରୀ ଦ୍ରବ୍ୟ ଅଧିନିୟମ ୨୦୨୦ ସାମିଲ ରହିଛି । ଏହି ଆନ୍ଦୋଳନ୨୬ ଜାନୁଆରୀ ଗଣତନ୍ତ୍ର ଦିବସରେ ଆୟୋଜିତ ଟ୍ରାକ୍ଟର ରାଲିରେ ହିଂସା ଦେଖା ଦେଇଥିଲା । ବିକ୍ଷୋଭକାରୀମାନେ ଦିଲ୍ଲୀରେ ପ୍ରବେଶ ପାଇଁ ବ୍ୟାରିକେଡ ଭାଙ୍ଗି ବିଭିନ୍ନ ସ୍ଥାନରେ ହିଂସା ଘଟାଇଥିଲେ ।