ପ୍ରକୃତିର ବିସ୍ମୟ ‘ଷ୍ଟ୍ରବେରୀ ମୁନ’

ଭୁବନେଶ୍ୱର (ବଡ଼ ଖବର ବ୍ୟୁରୋ): ଉତ୍ତର ଗୋଲାର୍ଦ୍ଧରେ ସୋମବାରଠାରୁ ଆରମ୍ଭ ହୋଇଛି ଗ୍ରୀଷ୍ମଋତୁ । ବିଦାୟ ନେଇଛି ଋତୁରାଜ ବସନ୍ତ । ଉତ୍ତର ଗୋଲାର୍ଦ୍ଧ ଆକାଶରେ ଆସନ୍ତା ୨୪ ତାରିଖ ରାତିରେ ଦେଖାଦେବ ଷ୍ଟ୍ରବେରୀ ଚନ୍ଦ୍ର । ଆକାଶରେ ଷ୍ଟ୍ରବେରୀ ଚନ୍ଦ୍ର ଦେଖିଲେ ଉତ୍ତର ଗୋଲାର୍ଦ୍ଧର ଲୋକମାନେ ଜାଣନ୍ତି ବସନ୍ତଋତୁ ଗଲା, ଗ୍ରୀଷ୍ମଋତୁ ଆସିଲା । ଷ୍ଟ୍ରବେରୀ ଚନ୍ଦ୍ର ଆକାଶରେ ଦେଖି ଇକ୍ୱେଟରର ଉତ୍ତରାଞ୍ଚଳର ଲୋକମାନେ ଧରିନିଅନ୍ତି ଆସିଗଲା ବର୍ଷର ସବୁଠାରୁ ବଡ଼ଦିନ ।

ପ୍ରଥମେ ଚନ୍ଦ୍ର ଗାଢ ଅରେଞ୍ଜ କଲରରେ ଦୃଶ୍ୟମାନ ହେବ । ପରେ ଏହା ଧୀରେ ଧୀରେ ୟେଲୋ ହୋଇ ଦିଗବଳୟ ଉପରେ ଦେଖାଦେବ । ମଝି ଆକାଶରେ ଚନ୍ଦ୍ରର ଆଲୋକ ଅଧିକ ଉଜ୍ୱଳ ଦେଖାଯିବ । ଚନ୍ଦ୍ରର ଆଲୋକ ବେଳେ ବେଳେ ଏତେ ଉଜ୍ୱଳ ହେବ ଯେ ଖାଲି ଆଖିରେ ଦେଖିବା ଅସମ୍ଭବ ହୋଇପଡିବ । ଆମେରିକାର ପ୍ରାଚୀନ ଆଦିବାସୀମାନେ ଏହି ସମୟରେ ଚନ୍ଦ୍ରର ବିଭିନ୍ନ ନାମକରଣ କରିଛନ୍ତି । ସ୍ୱାଦିଷ୍ଟ ଫଳ ଷ୍ଟ୍ରବେରୀ ଉତ୍ପାଦନ ବେଳେ ସେମାନେ ଚନ୍ଦ୍ରର ନାମ ଷ୍ଟ୍ରବେରି ମୁନ୍ ରଖିଛନ୍ତି । ପୃଥିବୀର ବିଭିନ୍ନ ଭାଗରେ ଚନ୍ଦ୍ରର ନାମ କରଣ ବିଭିନ୍ନ ସମୟରେ ଭିନ୍ନ ଭିନ୍ନ ହୋଇଥାଏ ।