ନୂଆଦିଲ୍ଲୀ (ବଡ଼ ଖବର ବ୍ୟୁରୋ): କେରଳ ମହାରାଷ୍ଟ୍ରରେ ବ୍ୟାପୁଛି ଜିକା ଭାଇରସ । ମହାରାଷ୍ଟ୍ରରରେ ପ୍ରଥମ ଜିକା ଭାଇରସ ସଂକ୍ରମଣ ମାମଲା ପୁଣେରେ ଦେଖାଦେଇଛି । ତେବେ ଲୋକେ ଭୟଭିତ ନହେବା ପାଇଁ ମଧ୍ୟ କୁହାଯାଇଛି । କେରଳରେ ଜିକା ଭାଇରସ ସଂକ୍ରମଣ ବଢିବାରେ ଲାଗିଛି । ସଂକ୍ରମଣ ବୃଦ୍ଧି ପାଇଁ ରାଜ୍ୟରେ ମୋଟ ସଂକ୍ରମଣ ୬୩କୁ ବୃଦ୍ଧି ପାଇଛି ।
ଏହି ସଂକ୍ରମଣର ପ୍ରଥମ ପର୍ଯ୍ୟାୟରେ କୋଭିଡ-୧୯ ରୋଗୀ ସୃଷ୍ଟି କରୁଥିବା ସାର୍ସ-କୋଭ-୨ ସଂକ୍ରମଣ ଭଳି ଲକ୍ଷଣ ପ୍ରକାଶ ପାଏ । ଏହି ରୋଗ ନିର୍ଣ୍ଣୟ କରିବା କଷ୍ଟକର ବୋଲି ବିଶେଷଜ୍ଞ ମାନେ ମତ ରଖିଛନ୍ତି । କରୋନା ଏବଂ ଜିକା ଭାଇରସର ବେକ୍ଟର, ଟ୍ରାନ୍ସମିଶନ ଏବଂ ଏପିଡେମୋଲୋଜି ଭିନ୍ନ । ଏଡିଶ୍ ଇଜିପ୍ଟ ମଶା କାମୁଡିବା ଦ୍ୱାରା ଜିକା ସଂକ୍ରମଣ ହୁଏ । ଜ୍ୱର. ଚର୍ମରେ ଦାଗ, ମାଂସପେଶୀ ଓ ଗଣ୍ଠି ଯନ୍ତ୍ରଣା, ମୁଣ୍ଡବିନ୍ଧା ଜିକା ଭୂତାଣୁ ସଂକ୍ରମଣର ଲକ୍ଷଣ । ଏହି ଲକ୍ଷଣ ୨ରୁ ୭ଦିନ ରହିଥାଏ ।
