(ବଡ଼ ଖବର ବ୍ୟୁରୋ)କବାଡ଼ି ଖାନାରେ ପଡିଛି ଗଦା ଗଦା ଗ୍ୟାସ ସିଲିଣ୍ଡର । ଏ ନେଇ କେନ୍ଦ୍ର ସରକାର ଓ ତାଙ୍କର ଉଜ୍ଜ୍ୱଳା ଯୋଜନାକୁ ଟାର୍ଗେଟ କରିଛି କଂଗ୍ରେସ । ସେପଟେ ରୋଷେଇ ଗ୍ୟାସ ଦାମ ବଢୁଥିବାରୁ ଉଜ୍ଜ୍ୱଳା ଯୋଜନାର ହିତାଧିକାରୀ ସେମାନଙ୍କ ସିଲିଣ୍ଡରକୁ କବାଡ଼ି ଖାନାରେ ବିକ୍ରି କରୁଥିବା କଂଗ୍ରେସ ଅଭିଯୋଗ କରିଛି ।
ତେବେ ଏଭଳି ଦୃଶ୍ୟ ମଧ୍ୟ ପ୍ରଦେଶର ଭିଣ୍ଡ ଜିଲ୍ଲାର ଜବଲପୁରର ଏକ କବାଡ଼ିଖାନାରେ ଦେଖିବାକୁ ମିଳିଛି । ମଧ୍ୟ ପ୍ରଦେଶର କଂଗ୍ରେସର ମୁଖ୍ୟ ତଥା ପୂର୍ବତନ ମୁଖ୍ୟମନ୍ତ୍ରୀ କମଳ ନାଥ ଏହି ଭିଡିଓକୁ ତାଙ୍କର ଟ୍ୱିଟର ପେଜରେ ପୋଷ୍ଟ କରିଛନ୍ତି । କମଳ ନାଥ ଲେଖିଛନ୍ତି ଯେ ଭିଣ୍ଡରେ କବାଡ଼ିଖାନାରେ ବିକ୍ରି ହେଉଛି ମୋଦି ସରକାରଙ୍କ ଉଜ୍ଜ୍ୱଳା ଯୋଜନାର ଗ୍ୟାସ ସିଲିଣ୍ଡର ।
मध्यप्रदेश के भिंड में इस तरह कबाड़ में बिक रहे है मोदी सरकार की सबसे ज़्यादा प्रचार-प्रसार वाली वाली उज्ज्वला योजना के गैस सिलेंडर और चूल्हे भूसे के ढेर में पड़े है।
यह स्थिति उस प्रदेश की है जहाँ के जबलपुर में देश के गृहमंत्री ने उज्जवला योजना के दूसरे चरण की शुरुआत की थी। pic.twitter.com/Fn7szpjHd9
— Kamal Nath (@OfficeOfKNath) October 23, 2021
ସେ ଆହୁରି କହିଛନ୍ତି, ଏହି ସ୍ଥିତି ହେଉଛି ଜବଲପୁରର ଯେଉଁଠି କେନ୍ଦ୍ର ଗୃହମନ୍ତ୍ରୀ ଉଜ୍ଜ୍ୱଳା ଯୋଜନାର ଦ୍ୱିତୀୟ ପର୍ଯ୍ୟାୟର ଶୁଭାରମ୍ଭ କରିଥିଲେ । ତେବେ ଭିଣ୍ଡ ଜିଲ୍ଲାର ଯୋଗାଣ ଅଧିକାରୀ କହିଛନ୍ତି ଯେ ଖାଲି ଗ୍ୟାସ ସିଲିଣ୍ଡର ଗୁଡିକୁ କବାଡିଖାନାକୁ ବିକ୍ରି କରି ଦିଆଯାଉଥିବା ସଂପର୍କରେ ସେ ଅବଗତ ନାହାନ୍ତି । ତେବେ ଏହି ଘଟଣାର ତଦନ୍ତ କରାଯିବ । ସୂଚନା ଅନୁଯାୟୀ, ଭିଣ୍ଡ ଜିଲ୍ଲାରେ ୨.୭୬ ଲକ୍ଷ ପରିବାର ଏଲପିଜି ସଂଯୋଗ ପାଇଛନ୍ତି । ସେମାନଙ୍କ ମଧ୍ୟରୁ ୧.୩୩ ଲକ୍ଷ ହେଉଛନ୍ତି ଉଜ୍ଜ୍ୱଳା ଯୋଜନାର ହିତାଧିକାରୀ ।
