କନ୍ଧମାଳରେ ବନ୍ଧୁକ କାରଖାନା ଠାବ

ତୁମୁଡିବନ୍ଧ (ବଡ଼ ଖବର ବ୍ୟୁରୋ): କନ୍ଧମାଳ ଜିଲ୍ଲା ତୁମୁଡ଼ିବନ୍ଧ ଥାନାଞ୍ଚଳରେ ବନ୍ଧୁକ କାରଖାନା ଠାବ । କାରଖାନାରୁ ବିପୁଳ ପରିମାଣର ବନ୍ଧୁକ ତିଆରି ସାମଗ୍ରୀ ଜବତ । ଘଟଣାରେ ଜଣେ ଅଭିଯୁକ୍ତଙ୍କୁ ଗିରଫ କରିଛି ପୋଲିସ । ଉପଖଣ୍ଡ ଆରକ୍ଷୀ ଅଧିକାରୀ ଶୁଭମ ଭୋଶଲେଙ୍କ ସୂଚନା । ଘଟଣାସ୍ଥଳରୁ ୩ ଦେଶୀ ବନ୍ଧୁକ, କଟର ମେସିନ ଜବତ । ଡ୍ରିଲ୍ ମେସିନ, ଅଧା ଗଢ଼ା ବନ୍ଧୁକ ଅନ୍ୟାନ୍ୟ ସାମଗ୍ରୀ ଜବତ । ତୁମୁଡିବନ୍ଧ ଥାନା ଠାରୁ ମାତ୍ର ୩ କି ମି ଦୂରରେ ଅବସ୍ଥିତ ୫୯ ନଂ ଜାତୀୟ ରାଜପଥ ପାର୍ଶ୍ଵ ଲାବନ୍ୟନଗର ଗ୍ରାମରେ ଦୀର୍ଘ ବର୍ଷ ଧରି ବେଆଇନ ଭାବେ ଗଢ଼ିଉଠିଥିଲା ଏହି କାରଖାନା ।

କେତେ ଯେ ଦେଶୀ ବନ୍ଧୁକ ଏଠି ତିଆରି ହୋଇ ବିକ୍ରି ହୋଇଛି । ଅବୈଧ ଶିକାର ସାଙ୍ଗକୁ ଏକାଧିକ ଅସାମାଜିକ କାର୍ୟ୍ୟରେ ବ୍ୟବହୃତ ହୋଇଛି ଦେଶୀ ବନ୍ଧୁକ ଏବଂ ଦେଶୀ ପିସ୍ତଲ । ଶେଷରେ ଲଗାତାର ୩/୪ ଟି ଘଟଣା କ୍ରମରେ ଏହି ବେଆଇନ ଦେଶୀ ବନ୍ଧୁକ ତିଆରି କାରଖାନାକୁ ଠାବ କରିବାରେ ସଫଳ ହୋଇଛି ତୁମୁଡିବନ୍ଧ ପୋଲିସ ।