https://youtu.be/znrlUYq89HU
ଭୁବନେଶ୍ୱର (ବଡ଼ ଖବର ବ୍ୟୁରୋ): ଆଜି ବିଧାନସଭା ଅଧିବେଶନର ତୃତୀୟ ଦିନ । ଆଜି ବି ସରଗରମ ହୋଇପାରେ ଗୃହ । ଗୃହରେ ଜଳସମ୍ପଦ, ଶ୍ରମ ଓ କର୍ମଚାରୀଙ୍କ ରାଜ୍ୟ ବୀମା, କ୍ରୀଡା ଓ ଯୁବକଲ୍ୟାଣ, ଯୋଜନା ଓ ସଂଯୋଜନ, ବାଣିଜ୍ୟ, ଇଲେକ୍ଟ୍ରୋନିକସ୍ ଓ ସୂଚନା ପ୍ରଯୁକ୍ତି, ପରିବହନ ବିଭାଗର ପ୍ରଶ୍ନକାଳ ରହିଛି । ଏହାଛଡା ବିଧାୟକମାନେ ମଧ୍ୟ ଭିନ୍ନ ପ୍ରଶ୍ନ ପଚାରିପାରିବେ । ଶୂନ୍ୟକାଳରେ ଉଭୟ ଶାସକ ଓ ବିରୋଧୀ ଗୃହରେ ଗୁରୁତ୍ବପୂର୍ଣ୍ଣ ପ୍ରଶ୍ନ ଉଠାଇବେ ।
ଗତକାଲି ଆଦିବାସୀ ଜମିକୁ ନେଇ ସରଗରମ ହୋଇଥିଲା ବିଧାନସଭା । କ୍ୟାବିନେଟରେ କ’ଣ ପ୍ରସ୍ତାବ ପାସ୍ ହେଉଛି, କ’ଣ ନାକଚ୍ ହେଉଛି ମନ୍ତ୍ରୀ ଜାଣିପାରୁନାହାନ୍ତି କହି ସରକାରଙ୍କୁ ଘେରିଥିଲେ କଂଗ୍ରେସ ବିଧାୟକ ଦଳ ନେତା ନରସିଂହ ମିଶ୍ର । ସରକାରଙ୍କ ବଡ଼ ଚକ୍ରାନ୍ତ ଓ ଷଡ଼ଯନ୍ତ୍ର ଅଛି । ଆଦିବାସୀଙ୍କ ଜମି ସୁରକ୍ଷିତ ନାହିଁ । ରାଜ୍ୟ ସରକାର ଆଦିବାସୀ ମାରଣ ନୀତି ଆପଣାଇଛନ୍ତି କହି ଟାର୍ଗେଟ କରିଥିଲେ ବିରୋଧୀ ଦଳ ମୁଖ୍ୟ ସଚେତକ ମୋହନ ମାଝୀ ।
