୩୦ ବର୍ଷ ଧରି ହିଂସା ଘଟାଇବା ପରେ ମୁଖ୍ୟସ୍ରୋତକୁ ଫେରିଲେ ୧ ହଜାର ବିଦ୍ରୋହୀ

ଭୁବନେଶ୍ୱର(ବଡ଼ ଖବର ବ୍ୟୁରୋ): ଆସାମ ସରକାର ୬ଟି ବିଦ୍ରୋହୀ ସଙ୍ଗଠନ ସହ କାର୍ବି ଆଙ୍ଗଲଙ୍ଗ ଚୁକ୍ତି ସ୍ୱାକ୍ଷର କରିଛନ୍ତି । ଏହି ସଶସ୍ତ୍ର ଗୋଷ୍ଠୀ ୩୦ ବର୍ଷରୁ ଅଧିକ ସମୟ ଧରି ହିଂସା ଘଟାଉଥିବାର ସୂଚନା ମିଳିଛି । ଏହି ଐତିହାସିକ ଚୁକ୍ତିରେ କେନ୍ଦ୍ର ଗୃହମନ୍ତ୍ରୀ ଅମିତ ଶାହ, ଆସାମ ମୁଖ୍ୟମନ୍ତ୍ରୀ ହେମନ୍ତ ବିଶ୍ୱଶର୍ମା ଏବଂ କେନ୍ଦ୍ରମନ୍ତ୍ରୀ ସରବାନନ୍ଦ ସୋନେୱାଲା ଉପସ୍ଥିତ ଥିଲେ । ଅପରପକ୍ଷେ କାର୍ବି ଆସାମର ଏକ ପ୍ରମୁଖ ଜାତି ସମ୍ପ୍ରଦାୟ ।

ଯିଏକି ଦୀର୍ଘ ବର୍ଷ ଧରି କାର୍ବିି ଆଙ୍ଗଲଙ୍ଗ ସ୍ୱତନ୍ତ୍ର ପରିଷଦ ଦାବି କରିଆସୁଥିଲେ । ଆସାମରେ ଏହି ବିଦ୍ରୋହୀ ଗୋଷ୍ଠୀର ଏକ ଦୀର୍ଘ ଇତିହାସ ରହିଛି । ଏହି ଗୋଷ୍ଠି ୧୯୮୦ ଦଶକରୁ ଜାତିଗତ ହିଂସା, ହତ୍ୟା, ଅପହରଣ ଏବଂ ଟିକସ ଚୋରୀ ଭଳି ଘଟଣାରେ ସକ୍ରିୟ ଥିଲେ ।

ଅନ୍ୟପଟେ ଗତକାଲି କେନ୍ଦ୍ର ଗୃହମନ୍ତ୍ରୀ କାର୍ବି ଆଙ୍ଗଲଙ୍ଗ ଚୁକ୍ତି ସ୍ୱାକ୍ଷର କରିଛନ୍ତି । ଏହା ସହ ଆସାମ ସରକାର ଆସନ୍ତା ପାଞ୍ଚ ବର୍ଷ ମଧ୍ୟରେ କାର୍ବି ଅଞ୍ଚଳର ବିକାଶ ପାଇଁ ପ୍ରାୟ ୧୦୦୦ କୋଟି ଟଙ୍କା ଖର୍ଚ୍ଚ କରିବେ ବୋଲି ଅମିତ ଶାହ ଘୋଷଣା କରିଛନ୍ତି ।