ଜଗତସିଂହପୁର (ବଡ଼ ଖବର ବ୍ୟୁରୋ): ଜଗତସିଂହପୁର ଜିଲ୍ଲା ବାଲିକୁଦା ବ୍ଲକ୍ ମାଛଗାଁ ଦେବୀ ନଦୀ ଘାଟରେ ବୁଡିଗଲେ ତିନି ଛାତ୍ର । ସକାଳ ସମୟରେ ଚାରିଜଣ ସାଙ୍ଗ ଆମ୍ବଶାଳ ଅଞ୍ଚଳରୁ ଆସି ନଦୀରେ ଗାଧୋଇବାବେଳେ ଏଭଳି ଅଘଟଣ ଘଟିଥିବା କୁହାଯାଉଛି । ଜଣେ ସାଙ୍ଗ କୌଣସି ଉପାୟରେ କୂଳକୁ ଚାଲିଆସିଥିବା ବେଳେ ଅନ୍ୟ ତିନିଜଣ ସାଙ୍ଗ ନଦୀରେ ବୁଡି ନିଖୋଜ ହୋଇଛନ୍ତି ।
ସେମାନଙ୍କୁ ବାଲିକୁଦା ଅଗ୍ନିଶମ ବିଭାଗ ପକ୍ଷରୁ ଖୋଜାଖୋଜି କରାଯାଉଛି । ନିଖୋଜ ଥିବା ଯୁବକ ହେଲେ ଆମ୍ବଶାଳ ଗ୍ରାମର କ୍ଷୀର ବାରିକଙ୍କ ପୁତ୍ର ବବୁଲ ବାରିକ ଓ ତାଙ୍କ ସହିତ ଭୁବନେଶ୍ଵରରୁ ଆସିଥିବା ଦୁଇଜଣ ସାଙ୍ଗ । ଯାହାଙ୍କର ପରିଚୟ ମିଳିପାରିନାହିଁ । ସେପଟେ ବବୁଲ ବାରିକଙ୍କ ମୃତଦେହ ଅଗ୍ନିଶମ ବିଭାଗ ପକ୍ଷରୁ ଉଦ୍ଧାର କରାଯାଇଛି
