ପଶ୍ଚିମ ଆକାଶରେ ଦେଖିଛନ୍ତି କି ଏଭଳି ଦୃଶ୍ୟ !
ଭୁବନେଶ୍ୱର(ବଡ଼ ଖବର ବ୍ୟୁରୋ): ବେଳେ ବେଳେ ପ୍ରକୃତିର ବୈଚିତ୍ର୍ୟ ଦେଖିବାକୁ ମିଳିଥାଏ । ଏହା ପୁଣି କ୍ଷଣିକ ସମୟ ପାଇଁ । ଏହି ବିରଳ ଦୃଶ୍ୟ ଦେଖିବା ପାଇଁ ଲୋକଙ୍କ ମନରେ ଉତ୍ସୁକତା ଭରି ରହିଥାଏ । ଏଭଳି ଜଣେ ଲୋକଙ୍କୁ ଜର୍ମାନୀରେ ପାଇଥିଲା ‘ବଡ଼ ଖବର’ । ସୂର୍ଯ୍ୟ, ଚନ୍ଦ୍ର, ତାରା, ଗ୍ରହ, ନକ୍ଷତ୍ର ସମ୍ପର୍କରେ ତଥ୍ୟ ସଂଗ୍ରହ କରିବା ସେହି ଜର୍ମାନୀ ଲୋକଙ୍କର ଆଗ୍ରହ ଦେଖି ଆମେ ଚକିତ ହୋଇପଡିଥିଲୁ ।
ପଶ୍ଚିମ ଆକାଶରେ ଚନ୍ଦ୍ରଙ୍କ ଉଦୟ ଓ ଅସ୍ତଗାମୀ ସୂର୍ଯ୍ୟଙ୍କ ଫଟୋ ଉତ୍ତୋଳନ କରିବା ପାଇଁ ଜର୍ମାନ ଫଟୋଗ୍ରାଫର ଚିନ୍ତା କରିଥିଲେ । ଏହି ବିରଳ ଦୃଶ୍ୟକୁ କ୍ୟାମେରା ଲେନ୍ସରେ କଏଦ କରିବା ପାଇଁ ତାଙ୍କୁ ଲାଗିଥିଳା ୬୨ ଦିନ । ଏକ ଖୋଲା ସ୍ଥାନରେ ସେ ୧୬ଟି କ୍ୟାମେରା ଦୁଇଟି ଉଚ୍ଚ ଖୁଣ୍ଟରେ ଲଗାଇ ସେ ୬୨ ଦିନ ଅପେକ୍ଷା କରିଥିଲେ । ତାଙ୍କ ଅପେକ୍ଷାର ଅନ୍ତ ଘଟିଥିଲା । ପଶ୍ଚିମ ଆକାଶରେ ସୂର୍ଯ୍ୟ ଧୀରେ ଧୀରେ ଅସ୍ତ ହେଉଥିବା ବେଳେ ମଲାଜହ୍ନ ସତେଜ ହେବାର ବିରଳ ଦୃଶ୍ୟକୁ ସେ କଏଦ କରିଥିଲେ । ଏଭଳି ଦୃଶ୍ୟ ଆସନ୍ତା ୨୦୩୫ ମସିହାରେ ଦେଖିବାକୁ ମିଳିବ ବୋଲି ଫଟୋଗ୍ରାଫର ଜଣକ କହିଛନ୍ତି ।
