ବିଦ୍ୟୁତ୍ ତାର ଲାଗି ୩ ଶ୍ରମିକ ମୃତ
ବାଲେଶ୍ୱର (ବଡ ଖବର ବ୍ୟୁରୋ) : ବିଦ୍ୟୁତ ତାର ନେଲା ତିନି ଜୀବନ । ନିର୍ମାଣ କାମ ବେଳେ ଅଘଟଣ । ବାଲେଶ୍ୱର ଜିଲ୍ଲା ସିମୁଳିଆ ଥାନା ଝିଙ୍କିରିଆ ପଞ୍ଚାୟତ ଗଗନଧୂଳି ଗାଁରେ ଘଟିଛି ଅଭାବନୀୟ ଘଟଣା । ଗଗନଧୂଳି ଗାଁର ବାପି ମାଝୀଙ୍କ ଘରେ ଶ୍ରମିକମାନେ ପ୍ଲାଷ୍ଟର କାମ କରୁଥିବା ବେଳେ ବିଦ୍ୟୁତ ଆଘାତର ଶିକାର ହୋଇଥିଲେ । ରାଜ୍ୟରେ ନିର୍ମାଣ କାମରେ ଅବହେଳା କାରଣରୁ ବାରମ୍ବାର ଅଘଟଣ ଘଟୁଛି । ଘଟଣାସ୍ଥଳରେ ଜଣଙ୍କର ମୃତ୍ୟୁ ହୋଇଥିବା ବେଳେ ଭଦ୍ରକ ହସ୍ପିଟାଲରେ ଆଉ ୨ ଜଣଙ୍କ ମୃତ୍ୟୁ ହୋଇଛି । ଶ୍ରମିକମାନଙ୍କର ମୃତଦେହ ପୋଲିସ୍ ଜବତ କରିବା ସହ ଏକ ମାମଲା ରୁଜୁ କରି ଘଟଣାର ତଦନ୍ତ ଜାରି ରଖିଛି ।