ପିପିଲି (ବଡ଼ ଖବର ବ୍ୟୁରୋ): ପିପିଲି ଉପନିର୍ଵାଚନ ପୂର୍ଵରୁ ପାଗ ଭିଡ଼ିଲାଣି କଂଗ୍ରେସ । ଗତ ସାଧାରଣ ନିର୍ଵାଚନ ପରେ ପ୍ରଥମ ଥର ଲାଗି କଂଗ୍ରେସ ଏକଜୁଟ ହୋଇ ପିପିଲି ଇନ୍ଦିରା ମଇଦାନରେ ବୈଠକ କରି ନିଜଦଳକୁ ସଙ୍ଗଠିତ କରିବାକୁ ଚେଷ୍ଟା ଆରମ୍ଭ କରିଛି । ଗତ ସାଧାରଣ ନିର୍ଵାଚନରେ କଂଗ୍ରେସ ପରାଜୟର କାରଣ ଖୋଜିବା ସହିତ ଦଳର ବିଭିନ୍ନ ସମସ୍ୟା ଉପରେ ଗୁରୁତ୍ୱାରୋପ କରିଛି । ପିପିଲିରେ ବର୍ଷବର୍ଷ ଧରି କଂଗ୍ରେସର ମଙ୍ଗୁଅ।ଳ ଥିବା ଯୁଧୀଷ୍ଠିର ଶେଷ ସମୟରେ କଂଗ୍ରେସ ଟିକେଟ ଫେରାଇ ଦେବା ଓ ନିର୍ଵାଚନ ସମୟରେ ତାଙ୍କ ନିରବତା କଂଗ୍ରେସକୁ କ୍ଷତି ନେଇ ବୈଠକରେ ଅ।ଲୋଚନା କରାଯାଇଥିଲା ।
ଅ।ସନ୍ତା ପିପିଲି ଉପନିର୍ଵାଚନରେ କଂଗ୍ରେସ ଭଲ ପ୍ରଦର୍ଶନ କରିବା ନେଇ ଅ।ଲୋଚନା ହୋଇଥିଲା। ଅ।ୟୋଜିତ ବୈଠକରେ ପୁରୀ ଜିଲ୍ଲା କଂଗ୍ରେସ ସଭାପତି ଅଜିତ ମଙ୍ଗରାଜ, କଂଗ୍ରେସ ମୁଖପାତ୍ର ନିଶିକାନ୍ତ ମିଶ୍ର, ମହିଳା କଂଗ୍ରେସ ନେତ୍ରୀ ନିରୁପମା ପାତ୍ର ଓ କଂଗ୍ରେସ ନେତା ପୂର୍ଣ୍ଣ ଚନ୍ଦ୍ର ସ୍ଵାଇଁଙ୍କ ସମେତ ପିପିଲି ଓ ଡେଲାଙ୍ଗ ବ୍ଲକର ଶତାଧିକ କଂଗ୍ରେସ କର୍ମୀ ଯୋଗ ଦେଇଥିଲେ । ଦଳକୁ ସଙ୍ଗଠିତ କରିବା ବୈଠକର ମୁଖ୍ୟ ଉଦ୍ଦେଶ୍ୟ ବୋଲି ଦଳୀୟ ନେତାମାନେ କହିଛନ୍ତି ।
