ଆଜି ଜାତୀୟ କନ୍ୟା ରତ୍ନ ଦିବସ
ଭୁବନେଶ୍ୱର (ବଡ଼ ଖବର): ପ୍ରଜାତନ୍ତ୍ରରେ ମହିଳା ଓ ପୁରୁଷ ଉଭୟ ସମାନ । ଶିକ୍ଷା ଓ ରାଜନୀତିରେ ପୁରୁଷଙ୍କ ଭଳି ମହିଳାମାନଙ୍କର ମଧ୍ୟ ସମାନ ଅଧିକାର ରହିଛି । କିନ୍ତୁ ପୁରୁଷ କୈନ୍ଦ୍ରୀକ ସମାଜରେ ମହିଳାମାନେ ଘରର ଚାରିକାନ୍ଥ ଭିତରେ ବନ୍ଦୀ ହୋଇ ରହୁଥିଲେ । ସେମାନଙ୍କର ବାକ୍ ସ୍ୱାଧୀନତା କ୍ଷୁର୍ଣ୍ଣ ହେବା ସହ ପୁରୁଷର ସେ ପାଲଟି ଥିଲା ସକ୍ଷୀ କଣ୍ଡେଇ । ନାରୀର ଅଧିକାର ଓ ସମାଜପ୍ରତି ଥିବା ତାର ସମର୍ପଣଭାବକୁ କେହି ଗୁରୁତ୍ୱ ଦେଉନଥିଲେ । ଶିକ୍ଷା କ୍ଷେତ୍ରରେ ନାରୀକୁ ଗୁରୁତ୍ୱ ଦିଆଯାଉନଥିଲା । ଏସବୁର ପୂର୍ଣ୍ଣଚ୍ଛେଦ ପକାଇବା ପାଇଁ ୨୦୦୮ରେ କେନ୍ଦ୍ର ସରକାର ନେଇଥିଲେ ନିଷ୍ପତ୍ତି ।
ଭାରତରେ ପ୍ରତିବର୍ଷ ଜାନୁଆରୀ ୨୪ରେ ଜାତୀୟ କନ୍ୟା ରତ୍ନ ଦିବସ ପାଳିତ ହୋଇଆସୁଛି । ଏହି ଦିବସ ପାଳନର ଉଦ୍ଦେଶ୍ୟ ବାଳିକାମାନଙ୍କୁ ସହାୟତା ଏବଂ ସୁଯୋଗ ଯୋଗାଇବା । ଶିଶୁର ଅଧିକାର ବିଷୟରେ ସଚେତନତା ସୃଷ୍ଟି କରିବା, ବାଳିକା ଶିକ୍ଷାର ଗୁରୁତ୍ୱ ଓ ସେମାନଙ୍କ ମଧ୍ୟରେ ସ୍ୱାସ୍ଥ୍ୟ ସଚେତନତା ସୃଷ୍ଟିକରିବା ପାଇଁ ପ୍ରଥମେ ୨୦୦୮ରେ ମହିଳା ଏବଂ ଶିଶୁ ବିକାଶ ମନ୍ତ୍ରାଳୟ ଦ୍ୱାରା ଆରମ୍ଭ କରାଯାଇଥିଲା ଜାତୀୟ କନ୍ୟା ରତ୍ନ ଦିବସ । ସମାଜରେ ଝିଅମାନେ ସମ୍ମୁଖୀନ ହେଉଥିବା ଲିଙ୍ଗଭିତ୍ତିକ ଭେଦଭାବ ବିଷୟରେ ସଚେତନତା ସୃଷ୍ଟି କରିବା ଏବଂ ସେମାନଙ୍କ ମନୋଭାବ ପରିବର୍ତ୍ତନ ଆଣିବା ଆଜିର ଦିନରେ ପ୍ରଧାନ ଲକ୍ଷ୍ୟ । ବାଳିକାମାନଙ୍କ ଅବସ୍ଥା ସୁଧାରିବା ପାଇଁ ଭାରତ ସରକାର ବର୍ଷ ବର୍ଷ ଧରି ଅନେକ ପଦକ୍ଷେପ ନେଇଛନ୍ତି । ଅନେକ ଅଭିଯାନ ଓ କାର୍ଯ୍ୟକ୍ରମ ଯେପରିକି ଗାର୍ଲ ଚାଇଲ୍ଡ ସେଭ୍, ବେଟି ବଚାଓ ବେଟି ପଢାଓ, ବାଳିକା ପିଲାମାନଙ୍କ ପାଇଁ ମାଗଣା ଶିକ୍ଷା, କଲେଜ ଏବଂ ବିଶ୍ୱବିଦ୍ୟାଳୟରେ ମହିଳାଙ୍କ ପାଇଁ ସଂରକ୍ଷଣ ବ୍ୟବସ୍ଥା ଆରମ୍ଭ କରାଯାଇଛି ।
On National Girl Child Day, we salute our #DeshKiBeti and the accomplishments in various fields. The Central Government has undertaken many initiatives that focus on empowering the girl child, including access to education, better healthcare and improving gender sensitivity.
— Narendra Modi (@narendramodi) January 24, 2021
ଏହି ଦିବସ ଅବସରରେ ପ୍ରଧାନମନ୍ତ୍ରୀ ମୋଦି ଟ୍ୱିଟ୍ କରି ଦେଶର ଅଗଣିତ ଝିଅମାନଙ୍କୁ ଶୁଭେଚ୍ଛା ଜଣାଇଛନ୍ତି । ସେମାନଙ୍କ କାର୍ଯ୍ୟଦକ୍ଷତାକୁ ସାଲୁଟ କରିବା ସହ କେନ୍ଦ୍ର ସରକାର ଝିଅମାନଙ୍କ ପ୍ରଗତି ଓ ଶସକ୍ତିକରଣ ପାଇଁ ଗ୍ରହଣ କରିଥିବା ବିଭିନ୍ନ ପଦକ୍ଷେପକୁ ମନେପକାଇ ଦେଇଛନ୍ତି ।
Today is also a day to specially appreciate all those working towards empowering the girl child and ensuring she leads a life of dignity and opportunity. #DeshKiBeti
— Narendra Modi (@narendramodi) January 24, 2021