ଟଙ୍କା ନେଲେ, ଚାକିରୀ ଦେଲେନାହିଁ

ଝାରସୁଗୁଡା(ବଡ଼ ଖବର ବ୍ୟୁରୋ): ଟଙ୍କା ନେଇଛନ୍ତି ଝାରସୁଗୁଡା ବିଜେପି ଜିଲ୍ଲା ସଭାପତି ମଙ୍ଗଳ ସାହୁ । ଆଉ ଫେରାଇନାହାନ୍ତି । ଏଭଳି ଅଭିଯୋଗ କରିଛନ୍ତି ଜଣେ ମହିଳା । ଯାହାଙ୍କ ନାଁ ଅନୀତା ହେମ୍ପ୍ରମ୍ । ଅନୀତାଙ୍କ କହିବା ଅନୁସାରେ ମାର୍ଚ୍ଚ ୨୦୨୦ରେ ତାଙ୍କ ପୁଅକୁ ଚାକିରୀ ଦେବା କହି ମଙ୍ଗଳ ସାହୁ ଏକ ଲକ୍ଷ ୫୦ହଜାର ଟଙ୍କା ନେଇଥିଲେ । ହେଲେ ଚାକିରୀ ଦେଲେନାହିଁ ।

ଡିସେମ୍ବର ୨୦୨୦ ସୁଦ୍ଧା ଟଙ୍କା ଫେରସ୍ତ କରିବେ ବୋଲି କହିଥିଲେ ଝାରସୁଗୁଡା ବିଜେପି ଜିଲ୍ଲା ସଭାପତି । ହେଲେ ନା ଟଙ୍କା ଫେରାଇଲେ ନା ଚାକିରୀ ଦେଲେ । ଯାହାକୁ ନେଇ ଅନୀତା ଝାରସୁଗୁଡା ଥାନାର ଦ୍ୱାରସ୍ତ ହୋଇଛନ୍ତି । ସେପଟେ ବିଜେପି ନେତା ଏହାକୁ ଖଣ୍ଡନ କରିଛନ୍ତି ।