ଜାଗର ଯାତ୍ରା ଦେଖି ଘରକୁ ଫେରିବା ବେଳେ ଦୁର୍ଘଟଣା, ଟ୍ରାକ୍ଟର ଓଲଟି ୩୦ ଆହତ

ତୁମୁଡିବନ୍ଧ(ବଡ଼ ଖବର ବ୍ୟୁରୋ): ଶିବରାତ୍ର ହେଲା କାଳ । ଜାଗର ଦେଖି ଘରକୁ ଫେରୁଥିବା ବେଳେ ଓଲଟିଲା ଟାକ୍ଟର । ୩୦ରୁ ଅଧିକ ଆହତ । କନ୍ଧମାଳ ଜିଲ୍ଲା ତୁମୁଡିବନ୍ଧ ବ୍ଲକ ବେଲଘରରେ ଘଟିଛି ଏହି ଦୁର୍ଘଟଣା । ଜାଗର ଯାତ୍ରା ଦେଖି ଫେରୁଥିବା ବେଳେ ଭୋର ସମୟରେ ଓଲଟିଲା ଟ୍ରାକ୍ଟର । ଦୁର୍ଘଟଣାରେ ଝିରିପାଣି ଓ ଆଖପାଖ ଗ୍ରାମର ୩୦ରୁ ଅଧିକ ଆହତ ହୋଇଛନ୍ତି । ଆହତଙ୍କୁ ତୁମୁଡିବନ୍ଧ ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରରେ ପ୍ରାଥମିକ ଚିକିତ୍ସା କରାଯାଉଥିବା ବେଳେ ଗୁରୁତରଙ୍କୁ ବାଲିଗୁଡ଼ା ଉପଖଣ୍ଡ ଚିକିତ୍ସାଳୟକୁ ସ୍ଥାନାନ୍ତର କରାଯାଇଛି ।