ରାସ୍ତା ଜାଣି ନପାରି ଗଛରେ ପିଟିହେଲା ବୋଲେରୋ ୩ମୃତ, ୪ ଗୁରୁତର

କେନ୍ଦ୍ରାପଡ଼ା(ବଡ଼ ଖବର ବ୍ୟୁରୋ): ଘନ କୁହୁଡି ହେଲା କାଳ । ରାସ୍ତା ଜାଣି ନପାରି ଗଛରେ ପିଟିହେଲା ବୋଲେରୋ। ଦୁର୍ଘଟଣାରେ ତିନି ମୃତ ଚାରି ଆହତ । ଏଭଳି ଦୁଖଃଦ ଘଟଣା ଘଟିଛି କେନ୍ଦ୍ରାପଡ଼ା ସଦର ଥାନ ଅନ୍ତର୍ଗତ ଓସ୍ତପୁର ହଳଦିଢିଅ ନିକଟରେ । ନରଣପୁର ଗାଁ ରୁ ଡ୍ରାମା ରିହରସାଲ ସାରି ଫେରୁଥିଲେ କଳାକାର । ରାସ୍ତା ପାର୍ଶ୍ବରେ ଥିବା ଗଛକୁ ପିଟିଲା ବୋଲେରୋ ଫଳରେ ୩ ଜଣଙ୍କର ମୃତ୍ୟୁ ହୋଇଥିବା ବେଳେ ୪ ଜଣ ଗୁରୁତର ଆହତ ହୋଇଛନ୍ତି ।

ଆହତମାନଙ୍କୁ ପ୍ରଥମେ ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଥିଲା। ପରେ ସେମାନଙ୍କ ଅବସ୍ଥା ଗୁରୁତର ହେବାରୁ କଟକ ସ୍ତାନାନ୍ତର କରାଯାଇଛି। ଗାଡ଼ି ଭିତରେ ୭ ଜଣ କଳାକାର ଥିଲେ। ସେମାନଙ୍କ ମଧ୍ୟରେ ୫ଜଣ ମହିଳା ଓ ୨ ଜଣ ପୁରୁଷ ଥିବା ଜଣାଯାଇଛି। ପୁଲିସ ଗାଡ଼ିକୁ ଜବତ କରି ଘଟଣାର ତଦନ୍ତ କରୁଛି। ଡ୍ରାଇଭରର ଆଖି ଲାଗିଯିବା ଯୋଗୁ ଏହି ଦୁର୍ଘଟଣା ଘଟିଥିବା ସନ୍ଦେହ କରାଯାଉଛି।