ତୁର୍କୀ ଭୂମିକମ୍ପ, ବଢୁଛି ମୃତ୍ୟୁସଂଖ୍ୟା

ନୂଆଦିଲ୍ଲୀ(ବଡ଼ ଖବର ବ୍ୟୁରୋ): ଭୂମିକମ୍ପର ୧୦ ଦିନ ପରେ ମଧ୍ୟ ତୁର୍କୀ ଓ ସିରିଆରେ ବଢ଼ି ଚାଲିଛି ମୃତ୍ୟୁ ସଂଖ୍ୟା । ଏପର୍ଯ୍ୟନ୍ତ ଦୁଇ ଦେଶରେ ୪୧ ହଜାରରୁ ଅଧିକ ଲୋକଙ୍କ ମୃତ୍ୟୁ ହୋଇଥିବା ସୂଚନା । ତୁର୍କୀରେ ଏପର୍ୟ୍ୟନ୍ତ ୩୫,୪୧୮ ଲୋକ ପ୍ରାଣ ହରାଇଥିବା ବେଳେ ସିରିଆରେ ୫,୮୦୦ ରୁ ଅଧିକ ଲୋକଙ୍କ ଜୀବନ ଯାଇଛି । ଉଭୟ ଦେଶରେ ରିଲିଫ ଓ ଉଦ୍ଧାର କାର୍ୟ୍ୟ ଜାରି ରହିଛି। ଜାତିସଂଘ କହିଛି ଉଭୟ ଦେଶରେ ଭୟଙ୍କର ପ୍ରାକୃତିକ ବିପର୍ଯ୍ୟୟ ଯୋଗୁ ୭୦ ଲକ୍ଷରୁ ଉଦ୍ଧ୍ୱର୍ ଲୋକେ ପ୍ରଭାବିତ ହୋଇଛନ୍ତି । ଅନ୍ୟପକ୍ଷରେ ବିଶ୍ୱ ସ୍ୱାସ୍ଥ୍ୟ ସଂଗଠନ ଏହି ଭୂକମ୍ପକୁ ୟୁରୋପରେ ୧୦୦ ବର୍ଷ ମଧ୍ୟରେ ସବୁଠାରୁ ବଡ ପ୍ରାକୃତିକ ବିପର୍ୟ୍ୟୟ ବୋଲି କହିଛି । ଏହା ପୂର୍ବରୁ ମଙ୍ଗଳବାର ସିରିଆ ରାଷ୍ଟ୍ରପତି ବାଶାର-ଅଲ-ଅସଦ ତୁର୍କୀ ସହିତ ଆଉ ଦୁଇଟି ସୀମା ଖୋଲିବାକୁ ଘୋଷଣା କରିଥିଲେ । ଏହା ଦ୍ବାରା ଜାତିସଂଘ ସିରିଆକୁ ରିଲିଫ ସାମଗ୍ରୀ ପଠାଇବାରେ ସୁବିଧା ହେବ ।