୨୩ ବର୍ଷ ପରେ ରାୟ, ନିର୍ଦ୍ଦୋଶରେ ଖଲାସ ହେଲେ ଅଭିଯୁକ୍ତ

କଟକ (ବଡ଼ ଖବର ବ୍ୟୁରୋ): ଫସଲ କଟାକୁ କେନ୍ଦ୍ର କରି ଜଣେ ବ୍ୟକ୍ତିକୁ ହତ୍ୟା କରିବା ଅଭିଯୋଗରେ ଆଜୀବନ ସଜ୍ଜା ଭୋଗୁଥିବା ରମେଶ ସାହୁଙ୍କୁ ହାଇକୋର୍ଟ ନିର୍ଦ୍ଦୋଶରେ ଖଲାସ କରିଛନ୍ତି । ୨୩ ବର୍ଷ ପରେ ରାୟ ପ୍ରକାଶ ପାଇଛି । ବିଚାରପତି ଜଷ୍ଟିସ ଏସକେ ମିଶ୍ର ଏବଂ ଜଷ୍ଟିସ ସାବିତ୍ରୀ ରଥଙ୍କୁ ନେଇ ଗଠିତ ଖଣ୍ଡପୀଠ ଏହି ନିର୍ଦ୍ଦେଶ ଦେଇଛନ୍ତି ।

ବଲାଙ୍ଗୀର ଜିଲ୍ଲା ବିରମିତ୍ରପୁର ଥାନା କୋମିରା ଗ୍ରାମରେ ଫସଲ କଟାକୁ ନେଇ ରମେଶ ସାହୁ ଏବଂ ମାଗୁଣୀ ପ୍ରଧାନଙ୍କ ମଧ୍ୟରେ ଝଗଡ଼ା ହୋଇଥିଲା । ରମେଶ ମାଗୁଣୀଙ୍କୁ କଟୁରୀରେ ହାଣି ହତ୍ୟା କରିଥିଲେ । ପୋଲିସ ଅଭିଯୁକ୍ତକୁ ଗିରଫ କରି କୋର୍ଟରେ ହାଜର କରିଥିଲେ । ଅଦାଲତ ମାମଲାରେ ରାୟ ପ୍ରକାଶ କରି ଅଭିଯୁକ୍ତକୁ ଆଜୀବନ କରାଦଣ୍ଡରେ ଦଣ୍ଡିତ କରିଥିଲେ ।