ବଜ୍ରାଘାତରେ ଜଳିଗଲେ ଦୁଇ ଭାଇ

କଳାହାଣ୍ଡି (ବଡ଼ ଖବର ବ୍ୟୁରୋ): ବଜ୍ରାଘାତରେ ଦୁଇ ଭାଇ ମୃତ । କଳାହାଣ୍ଡି ଜିଲ୍ଲା କଲମପୁର ଥାନା ମାଟିଖାଲ ଗ୍ରାମରେ ଘଟିଛି ଅଘଟଣ । ମାଟିଖାଲ ଗ୍ରାମର ଭଜମନ ଦଳପତି ଏବଂ କାଳିଆ ଦଳପତି ସୋମବାର ସନ୍ଧ୍ୟାରେ ତରଭୁଜ ବାଡ଼ିକୁ ଯାଇଥିଲେ । ବିଜୁଳି, ଘଡଘଡି ସହିତ ପ୍ରବଳ ବର୍ଷା ହେବାରୁ ସେଠାରେ ଥିବା ଏକ ଝାଟି କୁଡ଼ିଆରେ ରହିଥିଲେ ।

ଏହି ସମୟରେ ବଜ୍ରାଘାତ ହେବାରୁ କୁଡ଼ିଆ ସହିତ ଦୁଇ ଜଣ ଜଳି ଯାଇଥିଲେ । କ୍ଷେତରୁ ଘରକୁ ଫେରିବା ବିଳମ୍ବ ହେବାରୁ ପରିବାର ଲୋକେ ଖୋଜିବାକୁ ଯାଇ କୁଡ଼ିଆ ସହିତ ଦୁଇ ଜଣ ଜଳି ଯାଇଥିବା ଦେଖିଥିଲେ । ପରେ ପୋଲିସକୁ ଖବର ଦେବା ସହିତ ମୃତଦେହକୁ କଳମପୁର ହସ୍ପିଟାଲକୁ ନେଇଥିବା ଜଣାପଡିଛି ।