ଖେଳୁଖେଳୁ ଜଳିଗଲେ ଦୁଇ ଶିଶୁ

କାଶୀପୁର (ବଡ଼ ଖବର ବ୍ୟୁରୋ): ଖେଳନେଲା ଜୀବନ । ପାଳଗଦାରେ ଖେଳୁ ଖେଳୁ ଜୀବନ୍ତ ଦଗ୍ଧ ହୋଇଗଲେ ଦୁଇ ଶିଶୁକନ୍ୟା । ରାୟଗଡ଼ା ଜିଲ୍ଲା କାଶୀପୁର ବ୍ଲକ ଲାକ୍ରିଶ୍ ଗାଁରେ ଘଟିଛି ଏଭଳି ହୃଦୟବିଦାରକ ଘଟଣା । ଗାଁର ମାନିଙ୍ଗ ମାଝୀଙ୍କ ୪ ବର୍ଷର ଝିଅ କୁମାରୀ ମାଝୀ ଓ ପଡ଼ୋଶୀ ଦୁର୍ଯ୍ୟୋଧନ ମାଝୀଙ୍କ ୩ ବର୍ଷର ଝିଅ ଦିବ୍ୟା ମାଝୀ ପାଳଗଦାରେ ଖେଳୁଥିବାବେଳେ ଘଟିଥିଲା ଏହି ଘଟଣା । ନିଆଁ ଲାଗିବା ପରେ ସେମାନଙ୍କ ଚିତ୍କାର ଶୁଣି ପରିବାର ଲୋକେ ସେଠାକୁ ଦୌଡ଼ିଯିବା ବେଳକୁ ଜୀବନ୍ତ ଦଗ୍ଧ ହୋଇସାରିଥିଲେ ଦୁଇ ଶିଶୁକନ୍ୟା । ନିଆଁଗଦା ଭିତରୁ ମିଳିଥିଲା ଦୁଇ ଝିଅଙ୍କ ଦଗ୍ଧ ମୃତ ଶରୀର । ଏହି ବେଦନାଦାୟକ ଘଟଣା ସ୍ଥାନୀୟ ଅଞ୍ଚଳରେ ଶୋକର ଛାୟା ଖେଳାଇଦେଇଛି ।