ନୂଆଦିଲ୍ଲୀ (ବଡ଼ ଖବର ବ୍ୟୁରୋ): ମହାରାଷ୍ଟ୍ର ସରକାରର ହେବ ଭାଗ୍ୟ ନିର୍ଦ୍ଧାରଣ । ଏକନାଥ ସିନ୍ଦେ ବନାମ ଉଦ୍ଧବ ଠାକରେ । ଏହି ବିବାଦକୁ ଆଜି ରାୟ ଶୁଣାଇବେ ସୁପ୍ରିମକୋର୍ଟ । ପ୍ରଧାନ ବିଚାରପତି ଡି.ୱାଇ ଚନ୍ଦ୍ରଚୂଡଙ୍କ ନେତୃତ୍ୱରେ ଏକ ୫ ଜଣିଆ ଖଣ୍ଡପୀଠ ମାର୍ଚ୍ଚ ୧୬ରେ ଏହି ମାମଲା ଉପରେ ଶୁଣାଣି କରି ମାମଲାକୁ ସଂରକ୍ଷିତ ରଖିଥିଲେ । ଶୁଣାଣି ସମୟରେ ଉଦ୍ଧବ ଶିବିର ସିନ୍ଦେଙ୍କ ବିଦ୍ରୋହ ଏବଂ ତାଙ୍କ ସରକାର ଗଠନକୁ ବେଆଇନ ବୋଲି କହିଥିଲେ ସୁପ୍ରିମକୋର୍ଟ । ସେପଟେ ସିନ୍ଦେ ଗୋଷ୍ଠୀ କହିଛନ୍ତି ବିଧାନସଭାରେ ବିଭାଜନ ପରେ ରାଜ୍ୟପାଳ ଫ୍ଲୋର ଟେଷ୍ଟ ପରୀକ୍ଷା କରିବାକୁ ନିର୍ଦ୍ଦେଶ ଦେଇ ସଠିକ ପଦକ୍ଷେପ ନେଇଛନ୍ତି । ଗତବର୍ଷ ବରିଷ୍ଠ ଶିବସେନା ନେତା ଏକନାଥ ସିନ୍ଦେଙ୍କ ନେତୃତ୍ୱରେ ବିଧାୟକଙ୍କ ବିଦ୍ରୋହ ପରେ ମୁଖ୍ୟମନ୍ତ୍ରୀ ଉଦ୍ଧବ ଠାକରେଙ୍କୁ ଇସ୍ତଫା ଦେବାକୁ ପଡିଥିଲା । ଏକନାଥଙ୍କ ସହ ୧୬ ଜଣ ବିଧାୟକଙ୍କୁ ଉଦ୍ଦବ ଗୋଷ୍ଠୀ ଅଯୋଗ୍ୟ ଘୋଷଣା କରିବାକୁ ଦାବି ହୋଇଛି । ଏବେ ଏହି ମାମଲାର ରାୟ ଆସିବ । ଆଜି ଏହାର ଶୁଣାଣି କରିବେ ସୁପ୍ରିମକୋର୍ଟ ।
