‘ପିଏମ ଆବାସ ବଣ୍ଟନ ପାଇଁ ବିଜେଡ଼ି ଟଙ୍କା ଆଦାୟ କରୁଛି’
ଭୁବନେଶ୍ୱର (ବଡ଼ ଖବର ବ୍ୟୁରୋ): ଗୟା ପ୍ରସାଦ କମିଟି ରିପୋର୍ଟ ଆଧାରରେ ପ୍ରଧାନମନ୍ତ୍ରୀ ଆବାସ ଯୋଜନାରେ ହୋଇଥିବା ଦୁର୍ନୀତିର ସିବିଆଇ ତଦନ୍ତ ଦାବି କଲା ବିଜେପି । ମୁଖ୍ୟମନ୍ତ୍ରୀ ସିବିଆଇ ତଦନ୍ତ ପାଇଁ ଚିଠି ଲେଖନ୍ତୁ ବୋଲି କହିଲା ବିଜେପି । ପ୍ରେସମିଟ୍ରେ ଦାବି କଲେ ସା. ସଂପାଦକ ପୃଥ୍ବୀରାଜ ହରିଚନ୍ଦନ । ବିଜେଡିର ରାଜନୀତି କାରଣରୁ ଘର ପାଇବାରୁ ବଞ୍ଚିତ ହୋଇଥିବା ଲୋକଙ୍କୁ ତୁରନ୍ତ ପ୍ରଧାନମନ୍ତ୍ରୀ ଆବାସ ଯୋଜନାରେ ପକ୍କା ଘର ଦିଅନ୍ତୁ ରାଜ୍ୟ ସରକାର । ମାସେ ସମୟ ଦେଲା ବିଜେପି । ନଚେତ୍ ଯୋଗ୍ୟ ହିତାଧିକାରୀଙ୍କୁ ନେଇ ସବୁ ବ୍ଲକରେ ଆନ୍ଦୋଳନ କରିବ ବିଜେପି । ୯ ଲକ୍ଷ ୫୯ ହାଜର ଘର ପାଇଁ କାର୍ୟ୍ୟାଦେଶ ବଣ୍ଟା ହେଲା ବେଳେ ଲୋକଙ୍କ ଠାରୁ ବିଜେଡ଼ି ୨୦ ହଜାରରୁ ୨୫ ହାଜର ଟଙ୍କା ଚାନ୍ଦା ଆଦାୟ କରିଛି ବୋଲି ଅଭିଯୋଗ କଲା ବିଜେପି । ପ୍ରଧାନମନ୍ତ୍ରୀ ଆବାସ ଯୋଜନାକୁ ନେଇ ରାଜ୍ୟ ସରକାର ନୂଆ ଡ୍ରାମା ଆରମ୍ଭ କରିଛନ୍ତି । ଚଞ୍ଚକତା କରି ନିଜକୁ ଘଣ୍ଟ ଘୋଡାଇବାକୁ ବିଜେଡ଼ି ଚେଷ୍ଟା କଲେ ତାହା ବରଦାସ୍ତ କରାଯିବ ନାହିଁ ବୋଲି ଚେତାବନୀ ଦେଲା ବିଜେପି ।