ମାଡ଼ି ଆସୁଛି ଉଲକା ପିଣ୍ଡ

ନୂଆଦିଲ୍ଲୀ (ବଡ଼ ଖବର ବ୍ୟୁରୋ): ମାଡ଼ି ଆସୁଛି ଆଉ ଏକ ଉଲକା ପିଣ୍ଡ । ପୃଥିବୀର ଖୁବ ନିକଟ ଦେଇ ଗତି କରିବ ଏହି ଉଲକା ପିଣ୍ଡ । ଘଣ୍ଟା ପ୍ରତି ୮.୨ କିଲୋମିଟର ବେଗରେ ଗତି କରୁଛି ଏହି ଉଲକା ପିଣ୍ଡ । ନାସା ପକ୍ଷରୁ ସୂଚନା ମିଳିଛି ଯେ ଏହି କ୍ଷୁଦ୍ରଗ୍ରହର ଆକାର ୪ଟି ଫୁଟବଲ ଗ୍ରାଉଣ୍ଡ ସହ ସମାନ । ଏହାର ଚଉଡା ୯୭ ମିଟର ଏବଂ ଲମ୍ବ ୨୩୦ ମିଟର । ନାସା ଏହା ମଧ୍ୟ କହିଛି ଏହାକୁ ପୃଥିବୀର ନିକଟବର୍ତ୍ତୀ କ୍ଷୁଦ୍ରଗ୍ରହ ବା ଧୂମକେତୁ ଭାବେ ପରିଭାଷିତ କରାଯାଏ ।

ଭୁବନେଶ୍ବରରେ ଥିବା ପଠାଣି ସାମନ୍ତ ପ୍ଲାନେଟୋରିୟମ ଉପନିର୍ଦେଶକ ଶୁଭେନ୍ଦୁ ପଟ୍ଟନାୟକ କହିଛନ୍ତି, ରବିବାର ରାତି ୧୧ଟା ୨୧ ମିନିଟ ସମୟରେ ପୃଥିବୀର ସବୁଠାରୁ ନିକଟ ଦେଇ ଗତି କରିବ ଏହି କ୍ଷୁଦ୍ରଗ୍ରହ । ସେ କହିଛନ୍ତି ଏହି କ୍ଷୁଦ୍ରଗ୍ରହ ପୃଥିବୀ ଆଡକୁ ଘଣ୍ଟା ପ୍ରତି ୨୯ ହଜାର କିଲୋମିଟର ବେଗରେ ଆସୁଛି ।

ଏହି ଉଲକା ପିଣ୍ଡର ନାମକରଣ କରାଯାଇଛି 2008GO20 । ତେବେ ଏହି ଧୂମକେତୁ ପୃଥିବୀ ସହିତ ସେତେବେଳେ ଧକ୍କା ହେବ ଯେତେବେଳେ ଏହାର ଦୂରତା ପୃଥିବୀ ଏବଂ ସୂର୍ୟ୍ୟର ଦୂରତା ଠାରୁ ୧.୩ ଗୁଣା କମ ଥିବ । ତେଣୁ ଏହି କ୍ଷୁଦ୍ରଗ୍ରହ ପୃଥିବୀ ସହିତ ଧକ୍କା ହେବାର କୌଣସି ସମ୍ଭାବନା ନାହିଁ ବୋଲି ବୈଜ୍ଞାନିକମାନେ ସ୍ପଷ୍ଟ କରିଛନ୍ତି । ତେଣୁ ଏହାକୁ ନେଇ ଭୟ କରିବାର କୌଣସି କାରଣ ନାହିଁ ବୋଲି ବିଶେଷଜ୍ଞମାନେ ମତ ଦେଇଛନ୍ତି । ଶେଷ ଥର ପାଇଁ ୧୯୭୭ ମସିହାରେ ପୃଥିବୀ ନିକଟରୁ ୨୯ ଲକ୍ଷ କିଲୋମିଟର ଦେଇ ଗତି କରିଥିଲା କ୍ଷୁଦ୍ରଗ୍ରହ ।