୩୦ରେ ବିଧାନସଭା ସ୍ୱତନ୍ତ୍ର ଅଧିବେଶନ
ଭୁବନେଶ୍ୱର (ବଡ଼ ଖବର ବ୍ୟୁରୋ): ଆସନ୍ତା ୩୦ ତାରିଖରେ ବିଧାନସଭାର ସ୍ୱତନ୍ତ୍ର ଅଧିବେଶନ । ମହିଳା ସଂରକ୍ଷଣ ବିଲ୍ ପ୍ରସଙ୍ଗରେ ହୋଇପାରେ ଆଲୋଚନା । ମାତ୍ର ଦିନକ ପାଇଁ ବସିବ ବିଧାନସଭା ସ୍ୱତନ୍ତ୍ର ଅଧିବେଶନ । ବିଧାନସଭା ଭବନରେ ଦିନ ୧୧ଟାରେ ବସିବ ସ୍ୱତନ୍ତ୍ର ଅଧିବେଶନ । ଭାରତୀୟ ରାଜନୀତିରେ ମହିଳାମାନଙ୍କ ଯୋଗଦାନ ଉପରେ ଆଲୋଚନା ପାଇଁ ଏହି ଅଧିବେଶନ ଡକାଯାଇଛି। ଗୃହରେ ଏ ବାବଦରେ ବିତର୍କ ହେବ।
ସୂଚନା ଯୋଗ୍ୟ ସଂସଦରେ ମହିଳା ସଂରକ୍ଷଣ ସମ୍ପର୍କିତ ବିଲ୍ ଆଣିଥିଲେ କେନ୍ଦ୍ର ସରକାର। ୧୩୧ ତମ ସଂଶୋଧନ ବିଲ୍ ଉପରେ ଦୁଇ ଦିନ ଆଲୋଚନା ହେବା ପରେ ଏହା ଲୋକସଭାରେ କାଟ୍ ଖାଇଯାଇଥିଲା। ଯାହାକୁ ନେଇ ଶାସକ ବିଜେପି ବିରୋଧୀଙ୍କୁ ତୀବ୍ର ସମାଲୋଚନା କରିଥିଲା। ରାଜ୍ୟରେ ମଧ୍ୟ ବିଜେପି ନେତାମାନେ ରାସ୍ତାକୁ ଓହ୍ଲାଇବା ସହ ବିରୋଧୀଙ୍କୁ ଏଥିପାଇଁ ଦାୟୀ କରି ସମାଲୋଚନା କରିଥିଲେ। ଏବେ ସ୍ବତନ୍ତ୍ର ଅଧିବେଶନ ଡାକିଛନ୍ତି ରାଜ୍ୟ ସରକାର। ସମ୍ବିଧାନର ଧାରା ୧୭୪ ଉପଧାରା ୧ ଆଧାରରେ ରାଜ୍ୟପାଳ ଓଡିଶା ବିଧାନସଭାର ସ୍ବତନ୍ତ୍ର ଅଧିବେଶନ ଡାକିଛନ୍ତି। ଏହି ଅଧିବେଶନରେ ସବୁ ବିଧାୟକମାନେ ଉପସ୍ଥିତ ରହିବାକୁ ଅପିଲ କରାଯାଇଛି।