F15 ପାଇଲଟଙ୍କୁ ଇରାନରୁ ଖୋଜି ବାହାର କଲା ଆମେରିକା

ନୂଆଦିଲ୍ଲୀ (ବଡ଼ ଖବର ବ୍ୟୁରୋ): ଇରାନରୁ ଦ୍ୱିତୀୟ ପାଇଲଟକୁ ସୁରକ୍ଷିତ ଉଦ୍ଧାର କଲା ଆମେରିକା । ଇରାନ ସେନା ଖସାଇଥିବା ଏଫ-୧୫ ଇ ବିମାନର ଦ୍ୱିତୀୟ ପାଇଲଟକୁ ଇରାନ ମାଟିରୁ ସୁରକ୍ଷିତ ଉଦ୍ଧାର ହୋଇଛନ୍ତି । ଶତ୍ରୁପକ୍ଷ ସୀମାରେ ପଶି ନିଜ ପାଇଲଟକୁ ଉଦ୍ଧାର କରିଛନ୍ତି ଆମେରିକା ସେନର ସ୍ପେଶାଲ ଫୋର୍ସ । ଇରାକରେ ହୋଇଥିବା ଏହି ଉଦ୍ଧାର ଅଭିଯାନ ଆମେରିକା ନିପୁଣ ସୈନ୍ୟ ଶକ୍ତିର ବଳିଷ୍ଠ ଉଦାହରଣ ସାରା ଦୁନିଆ ଆଗରେ ରଖିଛି । ଇରାନ ସେନା ସହ ଭୀଷଣ ଗୁଳିଗୋଳା ବର୍ଷ ଭିତରେ ଉଦ୍ଧାର କରାଯାଇଥିବା ଅନ୍ତର୍ଜାତୀୟ ଗଣମାଧ୍ୟମରେ ପ୍ରକାଶ ପାଇଛି। ସେପଟେ ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ମଧ୍ୟ ସୋସିଆଲ ମିଡିଆରେ ପୋଷ୍ଟ କରି ଦ୍ୱିତୀୟ ପାଇଲଟକୁ ସଫଳତାର ସହ ଉଦ୍ଧାର କରାଯାଇଥିବା ଦାବି କରିଛନ୍ତି ।

ରାନ ଦୁଇ ଜଣ ପାଇଲଟଙ୍କୁ ନେଇ ଯାଉଥିବା ଏକ ଆମେରିକୀୟ ସାମରିକ F-15E ଲଢ଼ୁଆ ବିମାନକୁ ଗୁଳି କରି ଖସାଇ ଦେଇଥିଲା । ଏହା ପରେ, ଆମେରିକୀୟ ସେନା ଇରାନରେ ଏକ ଉଦ୍ଧାର କାର୍ଯ୍ୟ ଆରମ୍ଭ କରିଥିଲା। ପ୍ରଥମ ପାଇଲଟଙ୍କୁ ସେହି ଦିନ ଉଦ୍ଧାର କରାଯାଇଥିଲା, ଯେତେବେଳେ ଦ୍ୱିତୀୟ ପାଇଲଟ ନିଖୋଜ ଥିଲେ । ତାଙ୍କୁ ମଧ୍ୟ ଏବେ ଉଦ୍ଧାର କରାଯାଇଛି । ଆମେରିକା ଏବଂ ଇରାନ ମଧ୍ୟରେ ପ୍ରବଳ ଗୁଳି ବିନିମୟ ମଧ୍ୟ ହୋଇଥିଲା ।

ଆମେରିକାର ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ଏହି ଉଦ୍ଧାର କାର୍ଯ୍ୟ ବାବଦରେ ଟ୍ରମ୍ପ ଟ୍ରୁଥ୍ ସୋସିଆଲରେ ପୋଷ୍ଟ କରିଛନ୍ତି, “ଆମେ ତାଙ୍କୁ ରକ୍ଷା କରିଛୁ । ମୋର ପ୍ରିୟ ଆମେରିକୀୟ ସାଥୀମାନେ, ଗତ କିଛି ଘଣ୍ଟା ମଧ୍ୟରେ, ଆମେରିକୀୟ ସେନା ଆମେରିକୀୟ ଇତିହାସର ସବୁଠାରୁ ସାହସିକ ଉଦ୍ଧାର କାର୍ଯ୍ୟ କରିଛି । ଆମର ଜଣେ ଯୋଦ୍ଧାଙ୍କୁ ପାଇଛୁ ।  ମୁଁ ଖୁସିର ସହିତ ଜଣାଇ ଦେଉଛି ଯେ ସେ ଏବେ ସମ୍ପୂର୍ଣ୍ଣ ସୁରକ୍ଷିତ ଏବଂ ସୁସ୍ଥ । ଏହି ସାହସୀ ଯୋଦ୍ଧା ଇରାନର ବିପଦପୂର୍ଣ୍ଣ ପର୍ବତମାଳାରେ ଶତ୍ରୁ ସୀମା ପଛରେ ଫସି ଯାଇଥିଲେ, ଏବଂ ଆମ ଶତ୍ରୁମାନେ ତାଙ୍କୁ ପିଛା କରୁଥିଲେ । ସେମାନେ ପ୍ରତି ଘଣ୍ଟାରେ ତାଙ୍କ ନିକଟତର ହେଉଥିଲେ।  କିନ୍ତୁ ସେ କେବେ ଏକା ନଥିଲେ, କାରଣ ତାଙ୍କର ସେନାଧ୍ୟକ୍ଷ, ଯୁଦ୍ଧ ସଚିବ, ମିଳିତ ମୁଖ୍ୟ କର୍ମଚାରୀଙ୍କ ଅଧ୍ୟକ୍ଷ ଏବଂ ତାଙ୍କ ସାଥୀ ଯୋଦ୍ଧାମାନେ ୨୪ ଘଣ୍ଟା ତାଙ୍କ ସ୍ଥାନ ଉପରେ ନଜର ରଖୁଥିଲେ ଏବଂ ତାଙ୍କୁ ଉଦ୍ଧାର କରିବା ପାଇଁ ଯୋଜନା ପ୍ରସ୍ତୁତ କରୁଥିଲେ ।