ଭାଇରସ କବଳରେ ବାବୁଲ ସୁପ୍ରିୟୋ

କୋଲକାତା(ବଡ଼ ଖବର ବ୍ୟୁରୋ): ଅଦୃଶ୍ୟ କରୋନା ଭୂତାଣୁ କବଳରେ ବିଜେପି ନେତା ବାବୁଲ ସୁପ୍ରିୟୋ । ପ୍ରଖ୍ୟାତ ପ୍ରଚ୍ଛଦପଟ୍ଟ କଣ୍ଠଶୀଳ୍ପୀ ତଥା ପଶ୍ଚିମବଙ୍ଗର ଜଣାଶୁଣା ବିଜେପି ଚେହେରା ବାବୁଲ ସୁପ୍ରିୟୋ ତାଙ୍କ ପତ୍ନୀଙ୍କୁ କରୋନା ସଂକ୍ରମିତ ହୋଇାଥିବା ଜଣାପଡିଛି । ଏନେଇ ଟୁଇଟ କରି ସୂଚନା ଦେଇଛନ୍ତି ନିଜେ ବାବୁଲ । ଏହାକୁ ମିଶାଇ ସେ ଦୁଇଥର କରୋନା ସଂକ୍ରମିତ ହୋଇସାରିଲେଣି । ବାବୁଲ ନିଜ ଟୁଇଟର ପୃଷ୍ଟାରେ ଲେଖିଛନ୍ତି କି ସେ ଓ ତାଙ୍କ ପତ୍ନୀ କରୋନା ପଜିଟିଭି ଚିହ୍ନଟ ହୋଇଛନ୍ତି । ତେବେ ସେ ଚାଲିଥିବା ପଶ୍ଚିମବଙ୍ଗ ଭୋଟରେ ଭାଗ ନେଇପରିନଥିବାରୁ ମଧ୍ୟ ଦୁଃଖ ପ୍ରକାଶ କରିଛନ୍ତି । ସେ କହିଛନ୍ତି ମୁଁ କରୋନା ସଂକ୍ରମିତ ହେଇଥିବାରୁ ଭୋଟ ଦେବାରୁ ବଞ୍ଚିତ ହେବି । ସୋମବାର ହେବାକୁ ଥିବା ଭୋଟ ଗ୍ରହଣରେ ସେ ନିଜକୁ ସାମିଲ କରାଇ ପାରିବେ ନାହିଁ । ସେ ଆହୁରି ମଧ୍ୟ କହିଛନ୍ତି ମତଦାନ ବେଳେ ସେଠାରେ ଉପସ୍ଥିତ ରହିବାର ଥିଲା । ଟିଏମସି ଗୁଣ୍ଡାମାନଙ୍କୁ ଚେକ ଦେବା ପାଇଁ ତାଙ୍କର ଉପସ୍ଥିତି ଅବଶ୍ୟକ ଥିଲା ବୋଲି ସେ କହିଛନ୍ତି ।