ଉତ୍ତରାଖଣ୍ଡ (ବଡ଼ ଖବର): ଦେବଭୂମିରେ ମହାପ୍ରଳୟ । ପ୍ରକୃତିର କରାଳ ରୂପକୁ ଅନେକ ଥର ନିଜ ଆଖିରେ ଦେଖିଛି ଦେବଭୂମି ଉତ୍ତରାଖଣ୍ଡ । ଦୀର୍ଘ ୭ବର୍ଷ ପରେ ପୁଣି ପ୍ରକୃତିର ତାଣ୍ଡବରେ ଛାରକାର ହୋଇଛି ଉତ୍ତରାଖଣ୍ଡ । ଆଉ ଆଖି ପିଛୁଳାକେ ଧୋଇଯାଇଛି ଅନେକ ଧନଜୀବନ । ରବିବାର ଋଷିଗଙ୍ଗାର ଉପର ମୁଣ୍ଡରେ ହିମ ସ୍ଖଳନ ଯୋଗୁଁ ଦେବଭୂମିରେ ଦେଖିବାକୁ ମିଳିଛି ଜଳ ପ୍ରଳୟ । ଏଥିରେ ୧୪ ଜଣଙ୍କର ମୃତ୍ୟୁ ହୋଇଥିବା ବେଳେ ଶତାଧିକ ନିଖୋଜ ଅଛନ୍ତି । ଏବେବି ଉଦ୍ଧାରକାରୀ ଦଳ ଫସି ରହିଥିବା ଲୋକଙ୍କୁ ଉଦ୍ଧାର କରିବା ପାଇଁ ନିୟୋଜିତ ଅଛନ୍ତି ।
ଏହି ବିପତି ସମୟରେ ଭାରତ ସହ ଛିଡା ହୋଇଛି ସମଗ୍ର ବିଶ୍ୱ । ଆମେରିକା ଠାରୁ ବ୍ରିଟେନ, ନେପାଳ ଓ ପାକିସ୍ତାନର ବିଶ୍ୱ ନେତା ଭାରତ ସହିତ ରହିଥିବା ଟ୍ୱିଟ କରି ଜଣାଇଛନ୍ତି । ବିଟ୍ରେନ ପ୍ରଧାନମନ୍ତ୍ରୀ ବୋରିଷ ଜନସନ ଟ୍ୱିଟ କରି କହଛନ୍ତି ଯେ ‘ଉତ୍ତରାଖଣ୍ଡ ରେ ଘଟିଥିବା ପ୍ରଳୟକାରୀ ବନ୍ୟା ପରେ ବ୍ରିଟେନ ଭାରତକୁ ସମସ୍ତ ସହାୟତା ଦେବାକୁ କହିଛି । ଗ୍ଲାସିୟର ଫାଟି ବନ୍ୟାର ସାମ୍ନା କରିଥିବା ପ୍ରତିଟି ଭାରତୀୟ ଓ ଉତ୍ତରାଖଣ୍ଡର ଉଦ୍ଧାରକାରୀ ଦଳ ସହ ମୋର ସମବେଦନା ।
My thoughts are with the people of India and rescue workers in Uttarakhand as they respond to devastating flooding from the glacier collapse. The UK stands in solidarity with India and is ready to offer any support needed.
— Boris Johnson (@BorisJohnson) February 7, 2021
ସେହିପରି ଅଷ୍ଟ୍ରେଲିଆ ପ୍ରଧାନମନ୍ତ୍ରୀ ମୋରିସନ ଏହି ଘଟଣାରେ ଶୋକ ବ୍ୟକ୍ତ କରିଛନ୍ତି । ଆମେରିକା ମଧ୍ୟ ଭାରତରେ ଗ୍ଲାସିଅର ଫାଟିବା ଓ ଭୂସ୍ଖଳନ ଦ୍ୱାରା ପ୍ରଭାବିତ ଲୋକଙ୍କୁ ଗଭୀର ସମବେଦନା ଜଣାଇଛି । ସେପଟେ ପଡୋଶୀ ଦେଶ ନେପାଳ ଓ ପାକିସ୍ତାନ ମଧ୍ୟ ଭାରତ ସହ ଛିଡା ହୋଇଛନ୍ତି । ଫ୍ରାନ୍ସ ରାଷ୍ଟ୍ରପତି ଇମାନୁଏଲ ମାକ୍ରନ ଏବଂ ଭାରତରେ ଜାପାନର ରାଷ୍ଟ୍ରଦୂତ ସତୋଷୀ ସୁଜୁକି ପିଡିତାଙ୍କୁ ସମବେଦନା ଜଣାଇଛନ୍ତି ।
Devastating news for India and @narendramodi following flash flooding in Uttarakhand. Australia stands with one of its closest friends at this very difficult time. https://t.co/uOnnHMAazY
— Scott Morrison (@ScoMo30) February 7, 2021
ଉତ୍ତରାଖଣ୍ଡ ସହିତ ଫ୍ରାନ୍ସ ରହିଛି ବୋଲି ମାକ୍ରୋନ ଟ୍ୱିଟରେ ଜଣାଇଛନ୍ତି । ୨୦୧୩ରେ ହୋଇଥିବା ଉତରାଖଣ୍ଡ ମହାପ୍ରଳୟ ପରେ କ୍ଷୟକ୍ଷତିର ଚିହ୍ନ ଏବେବି ଲିଭି ନଥିବା ବେଳେ ପୁଣି ପ୍ରାକୃତିକ ବିପର୍ଯ୍ୟୟ ଦେବଭୂମି ସମେତ ସାରାଭାରତ ବର୍ଷକୁ ସ୍ତବ୍ଧ କରିଦେଇଛି ।
