ସନ୍ଧ୍ୟା ସୁଦ୍ଧା ନୂଆ ଜୀବନ

ଉତ୍ତରାଖଣ୍ଡ (ବଡ଼ ଖବର ବ୍ୟୁରୋ): ଗତ ୧୭ ଦିନ ଧରି ଉତ୍ତରାଖଣ୍ଡର ସିଲ୍କିରା ଟନେଲରେ ଚାଲିଥିବା ଖନନ କାର୍ଯ୍ୟ ଶେଷ ହେବାକୁ ଯାଉଛି । ଅପେକ୍ଷାର ଅନ୍ତ ଘଟୁଛି । ଆଉ ଅଳ୍ପ ସମୟ ମଧ୍ୟରେ ଶ୍ରମିକମାନଙ୍କୁ ବାହାର କରାଯିବା ପ୍ରକ୍ରିୟା ଆରମ୍ଭ ହେବ। କିଛି ସମୟ ପରେ ସରକାର କିମ୍ବା ଏହାର ପ୍ରତିନିଧୀମାନେ କିଛି ସମୟ ମଧ୍ୟରେ ଏକ ସାମ୍ବାଦିକ ସମ୍ମିଳନୀ କରିବେ । ଏହି ପ୍ରସଙ୍ଗରେ ସରକାରୀ ସୂଚନା ଦେବେ । ସମସ୍ତ କର୍ମଚାରୀଙ୍କୁ ସନ୍ଧ୍ୟା ସୁଦ୍ଧା ବାହାରକୁ ନିଆଯିବ ବୋଲି କୁହାଯାଉଛି।

ପ୍ରାପ୍ତ ସୂଚନା ଅନୁଯାୟୀ ଏନଡିଅରଏଫର ଯବାନ ଟନେଲରେ ପ୍ରବେଶ କରିବେ । ତା’ପରେ ସେଠାରୁ ଶ୍ରମିକମାନଙ୍କୁ ବାହାରକୁ ପଠାଇବା ପ୍ରକ୍ରିୟା ଆରମ୍ଭ ହେବ । ଟନେଲ ବାହାରେ କାର୍ଯ୍ୟକଳାପ ବୃଦ୍ଧି ପାଇଛି । ବାହାରେ ଆମ୍ବୁଲାନ୍ସ ନିୟୋଜିତ କରାଯାଇଛି । ଅନ୍ୟପଟେ ସମସ୍ତଙ୍କ ମନରେ ଖୁସିର ଲହରୀ ଖେଳି ଯାଇଛି । ପରିବାର ଲୋକ ଶୁଭ ମନାସି ଠାକୁରଙ୍କ ପାଖେ ମାନସିକ ରଖିଛନ୍ତି । ଫସିଥିବା ଶ୍ରମିକଙ୍କ ମାଆ ଠାକୁରଙ୍କୁ କୋଟି ମୁଣ୍ଡିଆ ମାରୁଛନ୍ତି । କିପରି ସୁରକ୍ଷିତରେ ବାହାରି ଆସିବ ତା ଛୁଆ ।