ବିମାନରେ ପାଇଲଟଙ୍କୁ ନିର୍ଧୂମ ଛେଚିଲେ ଯାତ୍ରୀ
ନୂଆଦିଲ୍ଲୀ (ବଡ଼ ଖବର ବ୍ୟୁରୋ): ବିଳମ୍ବରେ ଉଡ଼ିଲା ବିମାନ, ପାଇଲଟ୍ଙ୍କୁ ନିର୍ଧୂମ ମାଡ଼ ମାରିଲେ ଯାତ୍ରୀ । ବିମାନଟି ବିଳମ୍ୱରେ ଉଡାଣ କରିବା ନେଇ ଘୋଷଣା କରିଥିଲେ ପାଇଲଟ୍ । ହେଲେ ଏଥିରେ ଉତ୍ତକ୍ଷିପ୍ତ ହୋଇ ଜଣେ ଯାତ୍ରୀ ସିଧା ପାଇଲଟଙ୍କ ନିକଟକୁ ଯାଇ ତାଙ୍କୁ ଚାପୁଡା ମାରିଥିଲେ । ଯାହାର ଭିଡିଓ ବର୍ତ୍ତମାନ ସୋସିଆଲ ମିଡିଆରେ ଭାଇରାଲ ହେଉଛି। ପ୍ରକୃତରେ, ବିମାନ ପାଇଲଟ ବିମାନ ବିଳମ୍ବକୁ ନେଇ ଏକ ଘୋଷଣା କରୁଥିଲେ ଯେଉଁଥିପାଇଁ ଯାତ୍ରୀ କ୍ରୋଧିତ ହୋଇ ତାଙ୍କୁ ଆକ୍ରମଣ କରିବା ଆରମ୍ଭ କରିଥିଲେ।
ଭିଡିଓରେ ହଳଦିଆ ଜ୍ୟାକେଟ ପିନ୍ଧିଥିବା ଜଣେ ବ୍ୟକ୍ତି ହଠାତ୍ ପାଇଲଟଙ୍କ ଆଡକୁ ଗଲେ ଏବଂ ତାଙ୍କୁ ପିଟିଲେ। ଏହି ଘଟଣା ପରେ ଏୟାର ହୋଷ୍ଟେସ ଜୋରରେ ଚିତ୍କାର କରିବାକୁ ଲାଗିଲେ। କେଉଁ ବିମାନରେ ଏହି ଘଟଣା ଘଟିଛି ତାହା ଏପର୍ଯ୍ୟନ୍ତ ଜଣା ପଡିନାହିଁ। ବିମାନରେ ବିଳମ୍ବ ହେତୁ ଯାତ୍ରୀ କ୍ରୋଧିତ ହୋଇଥିଲେ ଯେଉଁଥିପାଇଁ ସେ ପାଇଲଟଙ୍କ ଉପରେ ରାଗିଥିଲେ। ଭିଡିଓ ଭାଇରାଲ ହେବା ପରେ ଲୋକମାନେ ଉକ୍ତ ବ୍ୟକ୍ତିଙ୍କୁ ଗିରଫ କରିବାକୁ ଦାବି କରୁଛନ୍ତି।